Mat 7:7-11 | KxfSCKXF | STEP | “Kwi mò̌ lô̌khô, sî nǐ̤bǎ pě! Kè̌lǎ mò̌ lô̌khô, sî kè̌shǐ pě. Tôglô̌mò̌ lô̌khô takha, Cǒmara gǔ bǔmô bǎ sî pě.

Matthew 7:7-11

Kwi lô̌khô, kè̌lǎ lô̌khô, tôglô̌ lô̌khô

(Matè̌ 11:9-13)

7 “Kwi mò̌ lô̌khô, sî nǐ̤bǎ pě! Kè̌lǎ mò̌ lô̌khô, sî kè̌shǐ pě. Tôglô̌mò̌ lô̌khô takha, Cǒmara gǔ bǔmô bǎ sî pě. 8 Ma̤titè̌hî̌dě kòyò lǒ̤꤮ bò dǒ a kwita̤ tokhlǒnu, a nǐ̤bǎ pě, dě kòyò lǒ̤꤮ bò dǒ a kè̌lǎ ta̤ tokhlǒnu, a kè̌shǐ pě, dě kòyò lǒ̤꤮ bò dǒ a tôglô̌ takha tokhlǒnu, Cǒmara bǔmô bǎ lû̌û pě.

9 “Dǒ sîklanu sîphû̌ kè̌ kwiǎ sî mû̌ hî̌dě sî dǐǎ asî kû̌ lǒ̤ numî̌ a ô̌ cǎ tôpwa̤pwa̤ ya? 10 Mè̤̌tô̤̌mî̌ sîphû̌ kè̌ kwiǎ sî tò̤̌phû̌ hî̌dě sî dǐǎ asî kû̌ wṳ̂̌ numî̌ a ô̌ cǎ tôpwa̤pwa̤ ya? 11 Sî mî̌ kòyò dǒ a phû̌mò̤̌ tokhlǒ pwǎ bǎbǎkǎlè sî sî̌ganǎ̤ dǐǎ sîphû̌sîli̤ tokhlǒ kû̌ ta̤dǒ awô̌ tokhlǒ kè̌hî̌dě, gènè̤kè̌mò̌ lô̌khô sîpha dǒ mǒkhû̌ tôpwa̤nu, a gǔ ǐ mè̤̌mî̌ca ta̤wô̌ tokhlǒ kû̌ kòyò dǒ a kwihtò̌ lû̌û nutokhlǒ pě.