Mat 9:18-26 | KxfSCKXF | STEP | Bǎ a hî̌bǎ kòyò pô̤̌o akhanu, ta̤cabahǐ ikǒlǒkòdû̌ tôpwa̤ hè dô̌gînî̤lò̤ dǒ alô̤mô̤̌ dě a hî̌ lû̌û kû̌, “He phû̌pwa̤mǒ̤ simô̤̌pepwǎ, bǎbǎkǎlè ge kû̌ he dě gebè̌htò̌ na cǔde dǒ alô̤ mî̌ a htûpwa̤ pwǎkǎ pě.”

Matthew 9:18-26

Phǐjǎpwa̤mǒ̤phû̌ dǒ a si tôpwa̤ kû̌ pwa̤mǒ̤ dǒ a hètô̌bǎ Běcǎ Yeshǔ ajejû tôpwa̤

(Makǔ 5:21-43; Lǔka 8:40-56)

18 Bǎ a hî̌bǎ kòyò pô̤̌o akhanu, ta̤cabahǐ ikǒlǒkòdû̌ tôpwa̤ hè dô̌gînî̤lò̤ dǒ alô̤mô̤̌ dě a hî̌ lû̌û kû̌, “He phû̌pwa̤mǒ̤ simô̤̌pepwǎ, bǎbǎkǎlè ge kû̌ he dě gebè̌htò̌ na cǔde dǒ alô̤ mî̌ a htûpwa̤ pwǎkǎ pě.” 19 Běcǎ Yeshǔ ihtǒ gû̌ ge kû̌ yǎ. Dě akhôphijǎ gû̌ ge kû̌ lû̌û.

20 Bǎ asî ge dǒ klè̌lô̤ akhanu, pwa̤mǒ̤ dǒ a khòbǎ ta̤shasǐlò̤ dǒ ayî̤ shǐginǐ̤něnu a ô̌ tôpwa̤, dě a gû̌ ge kû̌ Běcǎ khû̌dò̌kò dě a hè tô̌bǎ Yeshǔ jejûgòpwè̤. 21 “He kè̌ tô̌bǎ pwǎ ajejû nupwǎ mî̌ he ta̤shasǐlò̤ bǎ hǎmǎlò̤tṳ̌ pě,” A hî̌ hǔ tûû̌ anǎ̤ dě a hè dǒ Yeshǔ khû̌dò̌kò dě a hè tû̌ lû̌û jejûgòpwè̤.

22 Běcǎ Yeshǔ ti̤wǐ̤ kè̌tîkhî dě kè̌shǐ lû̌û akha a hî̌ lû̌û kû̌, “Phû̌pwa̤mǒ̤, bè̌shû̌bè̌sho na sǎphlǒ nî̌, na ta̤yṳ̌ta̤nǎ̤ nî̌ a ma̤hǎmǎkè na ta̤shahǒ.” Dě pwa̤mǒ̤ nutôpwa̤ a ta̤shanu, a hǎmǎ sělěkè tôplǎnô̤̌.

23 Bǎ Běcǎ hènṳ̌ dǒ Yǔdaphû̌ ikǒdû̌ nutôpwa̤ ahǐkû akhanu, a kè̌shǐ pwa̤ǔtî̌lû̌ tokhlǒ kû̌ kòyò hǎwô pwe̤nǎ̤sǎgô̌ tôprṳ̂tôphǎ dě a hî̌ asî kû̌, 24 “Cû̌tephebò lô̌khô. Phijǎpwa̤mǒ̤phû̌ nutôpwa̤ nî̌ a si bǎtô̤̌, a hǎmôô̌ shôpě̤ pwǎ.” A hî̌ dě kòyò sǎyǎ̤ bò lû̌û. 25 Bǎ kò nohǎhtò̌bò hto kòyò saprṳ̂ nutokhlǒ dǒ akhlo akhanu, Yeshǔ nṳ̌ dǒ hǐdǒkû bǎ phijǎpwa̤mǒ̤phû̌ nutôpwa̤ lǎ̤môô̌ gûlǎ̤nu dě a pṳ̂̌mě lû̌û cǔde akha phijǎpwa̤mǒ̤phû̌ nutôpwa̤ ihtǒtîkhîsô̌. 26 Ta̤we̤ta̤kè hǒonu a mi̤lṳ̌hǔsǎ cû̌bò pṳ̂̌shipṳ̂̌gǎ.