bAisaya 7:14
Matthew 1
Jises eme asahan kon munyak
(Kalan 1:1–-4:16)
Nyara tubu Jises Krais iri
(Luk 3:23-38)
1Idah nyara tubu Jises Krais, nadu Debit, iy ale nadu Abraham. 2Udu bada Abraham eme isos bada kabin Debit, kane tubun oro mari ndratorowenei:- Abraham atehei Aisik,
- Aisik atehei Jekop,
- Jekop atehei Juda hawe nadu tinen oro mari.
- Johowakin atehei Seyaltiyel,
- Seyaltiyel atehei Serubabel,
Asahan ta Jises Krais
(Luk 2:1-7)
18Idah sare Jises Krais eme asahan. Tinen Mariya san tan ta tasou ili ta Josep, arile bwena turu, uru bala tasou bwe le, Mariya badeh ndratanan iy kameh tuwi nah ari na boto-on ta Malawin Ndrabun. 19Josep badeh iy ndramak ari ta amekes kandriyen mwasin, arile iy bwalen ta asehek Mariya eme lewan ta lau mari sanuhun; eme ma iy amekes budon ta iy kisan tasou turu ki-iu kamunum le. 20Arile iy abudon kahis le badeh, angelo ari ta Kindrei asahan ta Josep udu bolo ameh ya asehek i buku doh, “Josep nadu Debit, ou sanoh ta akohok Mariya ewek udum. Tasah, na boto-on ta Malawin Ndrabun Mariya susune nah. 21Iy kameh tuwi nah mwan, ya ou kameh tondrohani nyaran Jises, tasah iy kameh sebenei iri lau ta karei ma lomondra ndra-in.” ▼▼(1:21) Ta boho iri Hiburu, ta nyara Jises badeh, mirihik anya buku sahou ari doh, Laban badeh, ndramak ta akohok iri mwan ma badih ame hamon. Nyara Jises amwenen badeh, boho iri Grik. Boho iri Hiburu badeh, iri aloh buku, Josuwa.
22Lakou mari doh asahan ta amekes amwenen sahou ta Kindrei iy ndrasehek ndrala tiri propet asahan ili handru:23Badih ari bamadin hawe mwan bwe kameh susune nah ya iy kameh atehei nah mwan, ya idah kameh iri lau aloh iy Imanyuwel (moson i buku doh, “Kindrei udu hawe taha”). b
24Ya Josep amak eme loken, iy andrei Mariya i udun, i buku none sahou angelo ta Kindrei ndrasehek tan ta amekes. 25Arile, iy bamadin hawe udun bwe winiya len ta Mariya atehei nadun mwan. Eme ya Josep tondrohani nyaran Jises.
Copyright information for
LID