Psa 62 | LXX | STEP | Εἰς τὸ τέλος, ὑπὲρ Ιδιθουν· ψαλμὸς τῷ Δαυιδ. Οὐχὶ τῷ θεῷ ὑποταγήσεται ἡ ψυχή μου; παρ' αὐτοῦ γὰρ τὸ σωτήριόν μου·

‏ Psalms 62

1 ^{▼▼LXX: Psa.61:1}Εἰς τὸ τέλος, ὑπὲρ Ιδιθουν· ψαλμὸς τῷ Δαυιδ. ^{▼▼LXX: Psa.61:2}Οὐχὶ τῷ θεῷ ὑποταγήσεται ἡ ψυχή μου; παρ' αὐτοῦ γὰρ τὸ σωτήριόν μου· 2 ^{▼▼LXX: Psa.61:3}καὶ γὰρ αὐτὸς θεός μου, καὶ σωτήρ μου· ἀντιλήμπτωρ μου οὐ μὴ σαλευθῶ ἐπὶ πλεῖον. 3 ^{▼▼LXX: Psa.61:4}ἕως πότε ἐπιτίθεσθε ἐπ' ἄνθρωπον; φονεύετε πάντες ὡς τοίχῳ κεκλιμένῳ καὶ φραγμῷ ὠσμένῳ. 4 ^{▼▼LXX: Psa.61:5}πλὴν τὴν τιμήν μου ἐβουλεύσαντο ἀπώσασθαι, ἔδραμον ἐν ψεύδει, τῷ στόματι αὐτῶν εὐλογοῦσαν καὶ τῇ καρδίᾳ αὐτῶν κατηρῶντο. διάψαλμα. 5 ^{▼▼LXX: Psa.61:6}πλὴν τῷ θεῷ ὑποτάγηθι, ἡ ψυχή μου, ὅτι παρ' αὐτοῦ ἡ ὑπομονή μου· 6 ^{▼▼LXX: Psa.61:7}ὅτι αὐτὸς θεός μου, καὶ σωτήρ μου· ἀντιλήμπτωρ μου οὐ μὴ μεταναστεύσω. 7 ^{▼▼LXX: Psa.61:8}ἐπὶ τῷ θεῷ τὸ σωτήριόν μου· καὶ ἡ δόξα μου, ὁ θεὸς τῆς βοηθείας μου καὶ ἡ ἐλπίς μου ἐπὶ τῷ θεῷ. 8 ^{▼▼LXX: Psa.61:9}ἐλπίσατε ἐπ' αὐτόν, πᾶσα συναγωγὴ λαοῦ· ἐκχέετε ἐνώπιον αὐτοῦ τὰς καρδίας ὑμῶν· ὁ θεὸς βοηθὸς ἡμῶν. διάψαλμα. 9 ^{▼▼LXX: Psa.61:10}πλὴν μάταιοι οἱ υἱοὶ τῶν ἀνθρώπων, ψευδεῖς οἱ υἱοὶ τῶν ἀνθρώπων ἐν ζυγοῖς τοῦ ἀδικῆσαι αὐτοὶ ἐκ ματαιότητος ἐπὶ τὸ αὐτό. 10 ^{▼▼LXX: Psa.61:11}μὴ ἐλπίζετε ἐπὶ ἀδικίαν καὶ ἐπὶ ἅρπαγμα μὴ ἐπιποθεῖτε· πλοῦτος ἐὰν ῥέῃ, μὴ προστίθεσθε καρδίαν. 11 ^{▼▼LXX: Psa.61:12}ἅπαξ ἐλάλησεν ὁ θεός, δύο ταῦτα ἤκουσα, 12 ^{▼▼LXX: Psa.61:13}ὅτι τὸ κράτος τοῦ θεοῦ, καὶ σοί, κύριε, τὸ ἔλεος, ὅτι σὺ ἀποδώσεις ἑκάστῳ κατὰ τὰ ἔργα αὐτοῦ.