Mat 24:36-41 | LinMNB | STEP | —Mpo na likambo ya ngonga to mokolo makambo wana ekosalama, moto ata moko te ayebi yango ; ata baanzelu na Likolo, ata Mwana , kaka Tata.

Matthew 24:36-41

36 —Mpo na likambo ya ngonga to mokolo makambo wana ekosalama, moto ata moko te ayebi yango ; ata baanzelu na Likolo, ata Mwana ^{▼▼ ata Mwana : ezali te na mikanda misusu ya kala.}, kaka Tata.

37 Makambo oyo esalamaki na tango ya Nowa, ekosalama mpe ndengemoko na tango ya koya ya Mwana ya moto. 38 Pamba te, liboso ete mpela eya, bato bazalaki kolia mpe komela, bazalaki kobala mpe kobalisa, kino mokolo Nowa akotaki na masuwa. 39 Kasi bayebaki eloko moko te na oyo elingaki koyela bango, kino mokolo mpela eyaki mpe ebomaki bango nyonso.

Ekozala mpe ndenge moko tango Mwana ya moto akoya. 40 Mibali mibale bakozala na elanga : bakomema moko mpe mosusuakotikala. 41 Basi mibale bakobanda konika mbuma na libanga, bakokamata moko mpe mosusu akotikala.