Luk 18:31-34 | LinMNB | STEP | Yesu akamataki bapostolo na ye zomi na mibale na pembeni mpe alobaki na bango : —Tala, tozali kokende na Yeruzalem, mpe makambo nyonso oyo baprofeta bakoma mpo na Mwana ya moto ekokokisama.

Luke 18:31-34

31 Yesu akamataki bapostolo na ye zomi na mibale na pembeni mpe alobaki na bango :

—Tala, tozali kokende na Yeruzalem, mpe makambo nyonso oyo baprofeta bakoma mpo na Mwana ya moto ekokokisama. 32 Pamba te, bakokaba ye na maboko ya bapakanu, bakoseka ye, bakofinga ye, bakobwakela ye soi, 33 bakobeta ye bafimbo mpe bakoboma ye ; mpe akosekwa na mokolo ya misato.

34 Bayekoli basosolaki eloko ata moko te na makambo yango ; pamba te ndimbola na yango ezalaki ya kobombama mpo na bango, mpe bayebaki te soki Yesu alingaki koloba nini.

Luke 18:31-34

Yesu abikisi moto akufa miso

(Mt. 20.29-34 ; Mk. 10.46-52)