Luk 8:22-25 | LinMNB | STEP | Mokolo moko, Yesu amataki na bwato elongo na bayekoli na ye, mpe alobaki na bango : —Tokatisa na ngambo mosusu ya laki. Bongo bakendaki.

Luke 8:22-25

22 Mokolo moko, Yesu amataki na bwato elongo na bayekoli na ye, mpe alobaki na bango :

—Tokatisa na ngambo mosusu ya laki. Bongo bakendaki. 23 Tango bazalaki koluka nkai, Yesu alalaki pongi. Mopepe moko ya makasi ebandaki koleka na laki, bongo bwato ebandaki kotonda na mayi mpe balingaki kodinda. 24 Bayekoli bayaki epai ya Yesu mpe balamusaki ye na koganga :

—Moteyi, moteyi, tokufi ! Alamukaki, apamelaki mopepe mpe mbonge ; mopepe na mbonge esilaki, mpe kimia ezongaki. 25 Sima atunaki bayekoli na ye :

—Kondima na bino ezali wapi ? Kasi kobanga ya makasi ezwaki bango mpe batondaki na kokamwa ; bongo balobanaki bango na bango :

—Moto oyo azali nani ? Azali kotinda ata mopepe mpe mayi, mpe yango ezali kotosa ye.

Luke 8:22-25

Yesu aleki milimo mabe na makasi

(Mt. 8.28-34 ; Mk. 5.1-20)