Mar 10:35-40 | LinMNB | STEP | Bongo Zaki mpe Jean, bana ya Zebedeo, bayaki epai ya Yesu mpe balobaki na ye : —Moteyi tolingi osalela biso likambo oyo tokosenga yo.

Mark 10:35-40

35 Bongo Zaki mpe Jean, bana ya Zebedeo, bayaki epai ya Yesu mpe balobaki na ye :

—Moteyi tolingi osalela biso likambo oyo tokosenga yo.

36 Yesu atunaki bango :

—Bolingi nasala nini mpo na bino ?

37 Bazongiselaki ye :

—Tika ete moko na biso avanda na loboko na yo ya mobali, mpe mosusu na loboko na yo ya mwasi, kati na kembo na yo.

38 Kasi Yesu alobaki na bango :

—Boyebi te oyo bozali kosenga ; boni, bokokoka komela kopo oyo ngai nakomela ? To mpe bokoka kozwa libatisi oyo ngai nakozwa ?

39 Bazongisaki :

—Tokokoka !

Bongo Yesu alobaki na bango :

—Bokomela kopo oyo ngai nakomela mpe bokozwa libatisi oyo ngai nakozwa. 40 Kasi mpo na kovanda na loboko na ngai ya mobali to na loboko na ngai ya mwasi, ezali ngai te moto nakopesa yango. Bisika wana ekozala mpo na bato oyo ba bongisama mpo na yango.