Mar 11:27-32 | LinMNB | STEP | Bongo bakomaki lisusu na Yeruzalem. Tango Yesu azalaki kotambola na kati ya lopango ya Ndako ya Nzambe, bakonzi ya banganga-Nzambe, balakisi ya Mibeko, na bankolo, bayaki epai na ye mpe

Mark 11:27-32

27 Bongo bakomaki lisusu na Yeruzalem. Tango Yesu azalaki kotambola na kati ya lopango ya Ndako ya Nzambe, bakonzi ya banganga-Nzambe, balakisi ya Mibeko, na bankolo, bayaki epai na ye mpe 28 batunaki ye :

—Ozali kosala makambo oyo na bokonzi nini ? Mpe nani apesi yo bokonzi ya kosala yango ?

29 Yesu azongisaki :

—Nakotuna bino motuna moko. Bozongisela ngai eyano, bongo nakoyebisa bino soki na bokonzi nini nazali kosala makambo oyo. 30 Jean azwaki ndingisa ya kobatisa epai ya nani ? Na Nzambe to na bato ? Boyebisa ngai !

31 Babandaki kotiana tembe bango na bango mpe balobaki :

—Soki tolobi : “Na Nzambe”, ye akotuna biso : “Bongo mpo na nini bondimelaki ye te ?” 32 Soki mpe tolobi “Na bato”…

Bazalaki kobanga bato, pamba te bato nyonso bazalaki kondima ete Jean azalaki penza moprofeta.