Mar 9:2-7 | LinMNB | STEP | Sima ya mikolo motoba, Yesu akamataki Piere, Zaki mpe Jean, amemaki bango likolo ya ngomba moko ya molayi, epai bazalaki kaka bango moko. Bongo Yesu abongwanaki na miso na bango ;

Mark 9:2-7

2 Sima ya mikolo motoba, Yesu akamataki Piere, Zaki mpe Jean, amemaki bango likolo ya ngomba moko ya molayi, epai bazalaki kaka bango moko. Bongo Yesu abongwanaki na miso na bango ; 3 Bilamba na ye ekomaki kongenga mpe ekomaki pembe makasi, na ndenge ete moto moko te na mokili akoki kokomisa yango pembe ya ndenge wana. 4 Bongo Eliya na Moyize babimelaki bango ; mpe babandaki kosolola na Yesu.

5 Piere alobaki na Yesu :

—Moteyi ^{▼▼ Moteyi : to Rabi.}, ezali malamu mpo na biso ete tozala awa. Tosala bandako misato ya kapo : moko mpo na yo, moko mpo na Moyize, mpe moko na Eliya.

6 Ayebaki te soki aloba nini, pamba te batondaki na kobanga.

7 Bongo lipata moko ebimaki mpe ezipaki bango. Mpe mongongo moko ewutaki na lipata :

—Oyo azali Mwana na ngai ya bolingo, boyokela ye !