Mat 20:25-28 | LinMNB | STEP | Yesu abengaki bango nyonso lisanga mpe alobaki : —Boyebi ete bakonzi ya bikolo bayangelaka bato na bango na makasi, mpe bato minene balakisaka bokonzi na bango likolo na bango.

Matthew 20:25-28

25 Yesu abengaki bango nyonso lisanga mpe alobaki :

—Boyebi ete bakonzi ya bikolo bayangelaka bato na bango na makasi, mpe bato minene balakisaka bokonzi na bango likolo na bango. 26 Kasi mpo na bino ekoki kozala bongo te. Nzokande, oyo alingi kozala moto monene kati na bino, esengeli azala mosali na bino. 27 Mpe oyo alingi kozala liboso kati na bino ; esengeli azala mowumbuna bino. 28 Pamba te, Mwana ya moto ayaki te mpo bato basalela ye, kasi mpo na kosalela bato, mpe kopesa bomoi na ye mpo na kokangola bato ebelepenza !

Matthew 20:25-28

Yesu abikisi bato mibale bakufa miso

(Mk. 10.46-52 ; Lk. 18.35-43)