Mat 20:28-33 | LinMNB | STEP | Pamba te, Mwana ya moto ayaki te mpo bato basalela ye, kasi mpo na kosalela bato, mpe kopesa bomoi na ye mpo na kokangola bato ebelepenza !

Matthew 20:28-33

28 Pamba te, Mwana ya moto ayaki te mpo bato basalela ye, kasi mpo na kosalela bato, mpe kopesa bomoi na ye mpo na kokangola bato ebelepenza !

29 Tango Yesu na bayekoli na ye bazalaki kobima na Jeriko, bato ebele penza bazalaki kolanda ye.

30 Bato mibale bakufa miso bavandaki pembeni ya nzela. Tango bayokaki ete Yesu azalaki koleka wana, bagangaki :

—Nkolo, Mwana ya David yokela biso mawa !

31 Bato bagangelaki bango, mpe balobaki na bango bavanda nyee ; kasi bango bagangaki lisusu makasi :

—Nkolo, mwana ya David yokela biso mawa !

32 Yesu atelemaki, abengaki bango mpe atunaki bango :

—Bolingi nasala nini mpo na bino ?

33 Bazongiselaki ye :

—Nkolo, tolingi ete miso na biso efungwama !