Psalms 67
Ya Mukulu wa Bayimbi. Ebivuga eby’enkoba. Zabbuli. Oluyimba.
1 aAyi Katonda tukwatirwe ekisa, otuwe omukisa,era otwakize amaaso go.
2 bEkkubo lyo limanyibwe mu nsi,
n’obulokozi bwo mu mawanga gonna.
3Abantu bakutenderezenga, Ayi Katonda,
abantu bonna bakutenderezenga.
4 cAmawanga gonna gasanyuke, gayimbe nga gajjudde essanyu.
Kubanga ofuga abantu bonna mu bwenkanya,
n’oluŋŋamya amawanga ag’ensi.
5Abantu bakutenderezenga, Ayi Katonda,
abantu bonna bakutenderezenga.
6 dEnsi erireeta amakungula gaayo;
era Katonda, Katonda waffe, anaatuwanga omukisa.
7 eKatonda anaatuwanga omukisa;
n’enkomerero z’ensi zinaamutyanga.
Copyright information for
LugEEEE