Psa 111 | MEU | STEP | Iehova ba imodaia. Lau ese Iehova baina hanamoa mai lalogu idoinai, kara maoromaoro taudia edia orea ai, hebou taudia bogaragidiai.

‏ Psalms 111

1 Iehova ba imodaia.
Lau ese Iehova baina hanamoa mai lalogu idoinai,
kara maoromaoro taudia edia orea ai,
hebou taudia bogaragidiai.
2 Iehova ena ḡaukara na babada,
e moalelaidiamu taudia iboudiai ese e haerodiamu.
3 Ena ḡaukara na mai imatauraina bona mai siahuna,
ena kara maoromaoro na e mia hanaihanaimu.
4 Ena hoa karadia vada e kara, taunimanima ese bae lalodia tao totona;
Iehova na mai ena harihari-bada bona mai ena hebogahisi.
5 E gari heniamu taudia na adia e henidiamu;
ena gwauhamata e laloa hanaihanaimu.
6 Ena orea taudia na ena kara siahudia e haheitalaidia,
bese idau-idau edia tano e henidia negana ai.
7 Ia imana ḡaukaradia na momomokakani bona mamaoromamaoro,
ena haheḡani iboudiai na mai heabidadamadia.
8 Idia na bae gini hanaihanai;
taunimanima ese karadia bae kara mai momokanidia bona
mai maoromaorodia ida.
9 Ia ese hahemauri na ena orea taudia ediai e siaia;
ena gwauhamata vada e gwauraia, baine mia hanaihanai,
ia ladana na helaḡa, bona mai garina.
10 Iehova igari-henina na aonega imatamana;
e badinaiamu taudia iboudiai na e diba namonamomu,
ia ihanamona e hesiriu hanaihanaimu.