Psalms 4
1Egu kara maoromaoro Diravana e!Na boi henimumu negadia ai na ba haere henigu.
Egu dika amo vada o ruhagu nege;
A bogagu hisi, egu noinoi a kamonai.
2Taunimanima e, umui ese lau namogu na hemarai ai ba halaoa ela bona edena nega ai?
Hereva kavakavadia ba ura henidia bona hereva koikoidia ba tahudia
ela bona edena nega ai? (Selah)
3Ba diba, Iehova ese ia ibadinana tauna na vada e abia hidi;
Iehova na boi heniamu negadia ai na ia ese e kamonai henigumu.
4Ba hemataurai, basio kara dika;
sibomu lalomu ba tahua emu mahuta gabuna ai,
a basio hereva. (Selah)
5Kara maoromaoro bouboudia ba hahelaḡadia,
bona Iehova bavabidadama henia.
6Hutuma na e tomu, Daika ese baine hanamomai?
Iehova e, oi vairamu diarina bavabia isi ai emai ai.
7Lau lalogu vada o hamoalea;
egu moale ese edia uit bona edia vine ranuna e habadamu taudia edia moale na e hereaiamu.
8Mai mainogu ida baina hekure bona baina mahuta,
Iehova e, badina be oi mo sibomu ese o gimagumu.
Copyright information for
MEU