Psa 93 | MEU | STEP | Iehova na pavapava, ia ese hairai e hahedokilaiamu; Iehova ese goada e hahedokilaiamu, bona e rioamu. Oibe, tanobada vada e gini tutuka-tutukamu, ia basine marere.

‏ Psalms 93

1 Iehova na pavapava, ia ese hairai e hahedokilaiamu;
Iehova ese goada e hahedokilaiamu, bona e rioamu.
Oibe, tanobada vada e gini tutuka-tutukamu,
ia basine marere.
2 Oiemu terono sene negana amo vada o haginia;
oi na o noho hanaihanaimu.

3 Iehova e, abata vada e dae,
abata reḡedia vada e daemu,
abata gurudia na babada.
4 Ranu momo reḡedia na babada,
davara hurehuredia na gogoada;
A Iehova na atai ai e nohomu,
ena siahu ese idia e hereadiamu.
5 Iehova e, emu hereva na momokani;
emu ruma na helaḡa,
bona do baine helaḡa hanaihanai.