Hebrews 1
Anutu vu vakasin vu Noow-ambe nêêl vu yiiy
1Vu bôôy ond Anutu nêêl vakasin ngeeyaata vu hil sen danêêl yite vakasin langaah-ato lak mopaatôôv vaha vaha be lanêêl vu yate himbop-aso bôôy, 2le sim busin taamusin sen gêên-anjo tombe Anutu yoo vu vakasin vu Noow-ambe nêêl langaah vu yiiy. Yik Noow-anju sen Anutu nêêl-ambe yoo hatung yendak osin ngaanggis pin, tombe holin yi be mem vu va baandoni osin voon pin lukala nama. 3Yik yii-ju Anutu-te melangaah nikaapulis-ate, tombe yik ni nambe Anutu keen-ato, de yoo navu kaandu va pin sen hatung-ato lak yite vakasin aniwêêk. Yoo kawiiy hil-ate nipaya lung la, de laah nando having Anutu sen niwêêk danggakook-ato ond nando nama vasa having yi vu baandoni. - (2) Saam 2:8 Matai 21:38 Jon 1:3 Kolosi 1:16* - (3) 2 Kolint 4:4 Sinaale 2:33-34 Kolosi 1:15 Hiblu 8:1*Anutu Noow savok angela-so
4Ke, om Anutu Noow tu bopaata lôôt-ambe savok angela-so la, tonde yik hako haale bopaata vu Anutu be savok sil haalend la. 5Lohvu Anutu nêêl nambe,- “Sa noongg hong in gêên soo hako hong.”
- “Sale naatu yite mangganaan, de le naatu
- sa noongg.”
- “Sate angela pin yoo gatung kaatu vu yi.”
- “Sa samu sate angela-so nambe vavi, de
- sa naawiing-ambe sil lalohvu kin dalaan.”
- “O Anutu, gatu omaaho lulemak-ambe goo le mando mongganggin gate hil jak vakasin anivalok danggata osin danggata.
- “Omaaho Bop, goo hatung ngaanggis vu munggin, tombe yik osamu yendak ak onamam having,
- “Omando sa namangg vasa gaving sa de sale aambiing-ambe hil sen dayi hong payaa-to le langgulis hong vaalu kambi.”
Copyright information for
MMO