1Ch 6 | MPS | STEP | Te Livaigo ogwa dabe nogi te tama da, Gerson, me Kohat, me Merari dao.

a[Sai 6:16-19]

‏ 1 Chronicles 6

Livai hani

Te Livai hani dabe augwali polalubo pris bidali bidi dabe nogi e tiwai elalubao

1 Te Livaigo ogwa dabe nogi te tama da, Gerson, me Kohat, me Merari dao. 2 Kohatgo ogwa nogi dabe e tiwai da, Amram, Ishar, me Hebron, me Usiel da. 3 Amramgo ogwa dabe nogi da e tama, Aron me Moses, me te wegi nogi Miriam. Te Arongo ogwa dabe nogi da e tama Nadap, me Abihu, me Eleasar, me Itamar dao. 4 Eleasar te Finiasgo aya, te Finias Abisuago aya, 5 me Abisua te Bukigo aya, Buki te Usigo aya, 6 tama Usi te Serahiago aya, tama Serahia te Meraiotgo aya, 7 tama Meraiot te Amariago aya, tama Amaria te Ahitupgo aya da, 8 tama Ahitup te Sadokgo aya, tama Sadok te Ahimasgo aya, 9 tama Ahimas te Asariago aya, tama Asaria te Johanango aya, 10 aga te gasa Asaria mego aya da. Te king Solomongo Godigo tempel be te Jerusalemde sę yani sogo te bidi Asaria aga te hetpris bidai dao. 11 Tama te Asaria te Amariago aya, tama Amaria te Ahitupgo aya, 12 Ahitup te Sadokgo aya, te Sadok Salumgo aya, 13 te Salum te Hilkiago aya, tama Hilkia te Asariago aya, 14 tama Asaria te Seraiago aya, tama Seraia te Jehosadakgo aya dao. 15 Te Genuai Bidigo king Nebukatnesar homu hodolali sogo, te Babilon dabe asama, te Juda dabe me Jerusalem dali selama, kalabus igi pali, te sogo augwaligo te bidi Jehosadak me kalabus sela pai dao.

Te gasa hani Livai dabego nogi da

16 Te Livaigo ogwa dabe nogi da e tama da, Gerson, Kohat, Merari da. 17 Te Gersongo ogwa dabe nogi da e tama da, Lipni me Simei da. 18 Kohatgo ogwa dabe nogi e tama da, Amram, me Ishar, me Hebron, me Usiel da. 19 Merarigo ogwa dabe nogi da e da, Mali me Musi. Te hani sibi bidi dabe augwali te Livaigo deli hani bage dao. ^a

20 Te Gersongo hani dabego nogi dabe da e tama da. Gerson te Lipnigo aya, Lipni te Jahatgo aya, Jahat te Simago aya, 21 Sima te Joago aya, Joa te Idogo aya da, Ido te Serago aya, Sera te Jeateraigo aya dao.

22 Kohatgo hani e tama da. Kohat te Aminadapgo aya, Aminadap te Korago aya, te Kora Asirgo aya, 23 te Asir Elkanago aya, te Elkana Ebiasapgo aya, tama Ebiasap te gasa Asirgo aya, 24 tama Asir te Tahatgo aya, Tahat te Urielgo aya da, Uriel te Usiago aya, tama Usia te Saulgo aya dao.

25 Elkanago ogwa dabe nogi e tama da, Amasai, me Ahimot, 26 me Elkana. Te Elkanago hani da e tama, Elkana te Sofaigo aya, te Sofai te Nahatgo aya, 27 te Nahat te Eliapgo aya, tama Eliap te Jerohamgo aya, tama Jeroham te Elkanago aya dao.

28 Samuelgo ogwa dabe nogi e tiwai elalubao, Joel ^{▼▼6:28Te bidi nogi Joel te Hibru pode megi elalubeo. Te polobadu elalubo subo ąǫ tiwai yali, te megi da. Te buku Dąį 6 ves 33 me te 1 Sml 8:2, tede me te po elalubao, suao.} te gomunai ogwa, te tomo ogwa Abiya dao.

29 Merarigo hani da e tama elalubao. Merari te Maligo aya, Mali te Lipnigo aya, Lipni te Simeigo aya, tama Simei te Usago aya, 30 tama Usa te Simeago aya, tama Simea te Hagiago aya, tama Hagia te Asaiago aya dao.

Te Godigo bede te wiegi yai musik wabo bidi dabego nogi dabe da

31 Te ede nogi elalubo bidi dabe te king Devitgo te Genuai Bidigo bede wiegi yai po wabo nai musik elabo bidi dabe sa muai dao. Te Dąų Wali Bomo Yai Po Muani Halobage te Genuai Bidigo sel ugwa beba muagaselama nosali badu Devitgo te hani dąį ilai dao. 32 Te lotu wabo sogo te hani dabego te sisinibo pesage te Genuai Bidigo ugwa be sunumi mabo pąde te wiegi yai musik wabo sę yai. Augwaligo te sę Genuai Bidigo sel ugwa bede ela pidubadi, te king Solomongo te Genuai Bidigo gesi tempel be Jerusalemde sę yani silibo sogoba mu usu nai. Te hani augwaligo te augwa ebo sęde te bomai po bugagia wali pabo sę ela piduai dao.

33 Devitgo te musik wabo sę tonalubo bidi sela dąį ilali. Tama nosali augwa wai dabego me te tobage deli sę naga yalio. Te hasia polalubo bidi te Kohatgo hani, tama aga nogi da te Heman. Agai te tęąbi po wabo mu koneani. Heman te Joelgo ogwa, tama Joel te Samuelgo ogwa, tama 34 Samuel te Elkanago ogwa, tama Elkana te Jerohamgo ogwa, tama Jeroham te Elielgo ogwa, te Eliel te Toago ogwa da, 35 tama Toa te Sufgo ogwa, Suf te Elkanago ogwa, tama Elkana te Mahatgo ogwa, Mahat te Amasaigo ogwa da, 36 tama Amasai te Elkanago ogwa, te Elkana Joelgo ogwa, te Joel Asariago ogwa, tama Asaria te Sefanaiago ogwa, 37 tama Sefanaia te Tahatgo ogwa, te Tahat Asirgo ogwa, te Asir Ebiasapgo ogwa, tama Ebiasap te Korago ogwa da, 38 tama Kora te Ishargo ogwa, te Ishar Kohatgo ogwa, tama Kohat te Livaigo ogwa da, tama Livai te Israelgo ogwa dao.

39 Te Devitgo dąį ilali si wali bidi me nogi, te Asap. Asap te aga ama te Heman dali deli sę ebo bidi da. Tama te musik tęąbi wabo sogo Asap te aga hani dali te Hemango hanigo dolo nogo badu dolaluali. Asap te Berekiago ogwa, te Berekia Simeago ogwa da, 40 tama Simea te Maikelgo ogwa, tama Maikel te Baseago ogwa da, tama Basea te Malkiago ogwa da, 41 tama Malkia te Etnigo ogwa, te Etni te Serago ogwa, tama Sera te Adaiago ogwa da, 42 tama Adaia te Etango ogwa, tama Etan te Simago ogwa, te Sima Simeigo ogwa da, 43 tama Simei te Jahatgo ogwa, tama Jahat te Gersongo ogwa, tama Gerson te Livaigo ogwa dao.

44 Devitgo dąį ilali sela wali bidi me nogi te Etan, agai te Merari hani tonaluali. Te musik tęąbi wabo sogo te Merarigo hani bage te Heman hani pobase nogo badu dolaluali. Etan te Kisigo ogwa, tama Kisi te Apdigo ogwa, tama Apdi te Malukgo ogwa dao, 45 tama Maluk te Hasabiago ogwa, tama Hasabia te Amasiago ogwa, te Amasia te Hilkiago ogwa, 46 tama Hilkia te Amsigo ogwa, te Amsi te Banigo ogwa da, tama Bani te Semergo ogwa, 47 Semer te Maligo ogwa, Mali te Musigo ogwa, Musi te Merarigo ogwa, tama Merari te Livaigo ogwa dao.

48 Te Godigo ugwa be tomode meba gasa sę tigidali yabo, te genuai bidi dabego te Livaigo gasa haniba dąį ilalio.

Te Arongo ogwa dabe nogi dao

49 Te Aron me aga ogomani dabe dali augwaligo te isiba tigidali ulama dela silibo ofa te altade ebo sę elaluali, tama te gasa altade me te wiegi yai denami ilibo hano holobo ofa ebo sę ilali. Tama augwaligo te tigidali Tedali Gasagi Yai Mu Be Habude sę me yali. Tama augwaligo te Israel dabego sęgę sela sąbo ofa me yalio. Tama augwaligo te tigidali sę ebo sogo augwaligo tigidali po te Moses, Godigo sę bidigo, te Aronba mani po tigidali mu wali pabo sę yalio.

50 Arongo hani e tama dao. Aron te Eleasargo aya, Eleasar te Finiasgo aya, tama Finias te Abisuago aya, 51 tama Abisua te Bukigo aya, te Buki Usigo aya, tama Usi te Serahiago aya, 52 Serahia te Meraiotgo aya, tama Meraiot te Amariago aya da, te Amaria Ahitupgo aya, 53 tama Ahitup te Sadokgo aya, tama Sadok te Ahimasgo aya dao.

Te Israel dabego te Livai hani dabe dąį ilali taun dabe nogi

54 Te ede da te Israel dabego Arongo hani dabeba dąį ilama mani taun nogi dabe asęani elalubao. Aron te Kohat hani bidi da. Te Israel dabego te Livai haniba te taun dabe dobawainogo yali sogo, augwaligo te satu gagali bolo elama, te mena hanigo mu hasia te taun sabo ola momainu yalio. Tialima satugo te Arongo hani dabego te taun sabo dąį ilama dolo ponanio. 55 Tama tibaso, te Israel dabego te Juda hanigo tǫde elaluali taun Hebron te Arongo haniba mawai. Tama augwaligo te taun pąde elaluali tǫ me tigidali manio. Te tǫde te bulmakau me sipsip dabego tuabo wiegi yai nosai elaluai. 56 Tialima te gi dabe me te dwasianu bulu te Hebron pąde elaluali, te Israel dabego te Arongo hani dabeba mabeo, magi baso meni, augwaligo te Kalepba mawai, te Jefunego ogwa dao. 57 Te Israel augwaligo te taun Hebron me taun Jatir te hanu si te Arongo hani dabeba mawai. Hebron taun te Israel dabego te gasa bidi ela muani bidi wi pelama geme duala sigi pabo taun da olama dąį ilali. ^{▼▼6:57Te buku Jos, Dąi 20, tede te po elalubo suao.} Tama augwaligo te gasa taun dabe me te Aron hani dabeba mawai. Te taun nogi dabe e tama da, Lipna, me Estemoa, 58 me Hilen, me Debir da, 59 me Asan, me Betsemes. Tama augwaligo te taun pąde elaluali tǫ meba me mawai. Te tǫde te wiegi yai nosai te bulmakau dabe me sipsip dabego tuabo nosai elaluai dao. 60 Tama te Israel dabego te Benjamin hanigo tǫde elaluali taun meba mawai. Te taun dabego nogi e tama da, Geba, me Alemet, me Anatot. Tama augwaligo te wiegi yai nosai elalubo tǫ dali mawai. Augwaligo te 13 te tama taun tigidali te Arongo hani dabeba mawai dao.

61 Te Israel dabe augwaligo satu gagali ma elama, te gasa hani te Kohat hani dabe taun nogo si dąį ma ilali. Te taun dabe te Manase hani pedaigo tǫde te giliga dega sabo badu elaluali. 62 Tama augwaligo te nogo si olama sela taun dabe te Gersongo haniba dąį ilama mawai. Te taun dabe te Isakar, me Aser, me Naptali, me te Manase hani pedai te Basan tǫde bidali, te hani me si me sigo taun dabe manio. 63 Tama augwaligo te 12 taun dabe te Merarigo hani dabeba dąį ilala peyu mawai. Te taun dabe te Ruben, me Gat, me Sebulun, te augwali hanigo tǫde elaluai dao. 64 Te tama tiali kolesagade augwaligo te taun dabe dali te wiegi yai nosai elalubo tǫ dali te Livai dabeba mawai dao. 65 Te taun dabe meba te Juda, me Simeon, me Benjamin, te augwali hanigo tǫde elaluali. Te hanu dabe nogi nago suali dao. Augwaligo satu gagali elama te taun dąį ilai dao.

66 Te Kohat hani dabe meba augwaligo sali taun dabe meba te Efraim hani augwaligo tǫde elaluai dao. 67 Sekem te elaluali taun dabede te taun me deli da, tama te Efraimgo bulu du badu elaluai. Te taun Sekem te Israel dabego dąį ilali te bidi elali wi pabo bidi te taunba geme duala sigibu yali taun me deli da. Te gasa taun dabe nogi e tiwai elalubao, Geser, 68 me Jokmeam, me Bethoron, 69 me Aijalon, me Gatrimon da. Te Israel dabego te taun dabe te Kohat haniba mani sogo, augwaligo te wiegi yai nosai elalubo tǫ dali te augwaliba mawai. 70 Te Kohat hanigo taun meba te Manasego hani pedaigo tǫ badu elalualio. Te taun nogi e tama da, Aner me Bileam. Te Israel dabego te taun dabe te Kohat haniba mani sogo, augwaligo te wiegi yai nosai elalubo tǫ dali manio.

71 Te Israel dabego te Gerson haniba mani taun dabe meba, te Manase hani pedaigo tǫde elaluai. Te taun dabe nogi e tama da, te Basan tǫ pedai distrikde, te taun Golan me taun Astarot si elaluali. 72 Tama te taun meba te Isakargo hani dabego tǫde elaluali. Te taun nogi e tama, Kedes, me Daberat, 73 me Ramot, me Anem dao. 74 Te taun meba te Aser hanigo tǫde elaluai. Augwa nogi e tiwai da, Masal, me Apdon, 75 me Hukok, me Rehop dao. 76 Te taun dabe meba te Naptali hanigo tǫde elaluai. Augwa nogi da e tama da, taun Kedes te tǫ pedai distrik Galilide elalu, me taun te Hamon, me taun te Kiriataim da. Tama Israel dabego te taun dabe te Gerson haniba mani sogo, augwaligo te wiegi yai nosai elalubo tǫ dali manio.

77 Te Israel dabego te taun dabe meba te Merarigo haniba mani, te gasa Livai hani me da. Te taun dabe te Ruben hani me Gat hani me Sebulun hani te augwaligo tǫde elaluali. Te Sebulun hanigo tǫde elaluali taun dabe nogi e tama da, Rimon me Tabor da. 78 Te Ruben hanigo tǫde elaluali taun dabe nogi e tama da, Beser te tǫ wa pai bulude elaluali, me Jasa, me Kedemot, me Mefat da. Te Ruben hanigo tǫ da, te giliga asobo badu te wę Jordan te Jeriko taun pąde dao. 80 Te Gat hanigo tǫde elaluali taun dabe nogi e tiwai da, Ramot te Gileat tǫ pedai distrikde elaluali, me Mahanaim, 81 me Hesbon, me Jaser da. Te Israel dabego te taun dabe te Merari haniba mani sogo, augwaligo te wiegi yai nosai elalubo tǫ dali mawai dao.