Hebrews 1
Gode miine wengo nibo omyebiobe.
1Sinanggwano am homono dimo Gode e weng omkeimalin nakai e wengo omkaye bianea eka kukub homono aleye biam bia isak nib faninwali weng olo omkaye binibbiobe. 2Otane memalo mubiang amo bomano dim olo e miine e wengo omalea eka esak weng olo nibo omyebe. Sinanggwano Gode e miine baabanea Kobo abil esa dabal esa inamin namin osa alukum klanale ge baabanea e klanebiobe. Gode e dofakanea Ne inamin namin olo doklamabibo genebio kesoa e dlalamabebe. 3Gode titilo ayal inamin eibie inanea e miin esa e titilo ayal inamin eibiebe. E miine makob aalebe Gode ulabobe. E wengo titilsa kesoa inamin namino abilim uto bu osa eka dabalim olo bu osa owebea alukum klayam biobe. E inamin namin olo alukum kima biebe. Sino e atdimo kaanea nib hengmino omtlabenea imin hana utnea abilim ut unanea Gode titilo inamin namino alukum gaisonea kima bie nakae kweile kweitale kikib ye toumbianea inamin namin olo kima biebe.Gode e miine niniino dobtouleb biebe.
4Yesuse ina bie kesoa e abiseli gaisenebiobe. Gode Yesuse niniino dobtouleb bie otane e abiseli niniino mo dotouleb biebabe. 5Sinanggwano Gode e buk temo baanea- Kobo ne miinobo, eka nesa memalo keb ay aiobo ge baabanebio
- Ne keb ay eka kebsak ne miin nabo ge baabanebiobe.
- Ne abisel ibo alukum ne miine niniino dobtouleb nine ge baabenebiobe.
- Ne abiseli baabenia Ibo makob glole hebmamsab kikim binabe inaniba ne okoko hebmamsab okok kebianiba ib titilo makob atolo ulab aine gabibo ge baanebiobe.
- God kobo inamin namin olo kimaneba keb kimanin kukub olo amit namabobe. Kobo inamin namin olo kima bieba keb kimanin kukub olo amitie molot namabobe.
- Sum kobo sinanggwano dabal ele klaneba eka abil esa klananeba inamin namino abilim ut bu osa kebta klanebbiobe.
- Kobo ne kweile kweitale kikib ele toumbianeba inamin namino kima bieba sinanomo ne keb makaai alukum yalia i titilo blimanamabobo ge baabanebiobe.
14Abiseli fatnamine? I smiki ulab kesoa i Gode okoko okok kebiobe. I Gode dlanea moniba nakaia unangai hengmino temo bliba Gode dotlanebuei sinanomo dleb utnea e bibam ut danea nomabib isu ye moniba daayebiobe.
Copyright information for
MPT