Heb 3 | MTI | STEP | Meoya, tatanaiwa iyakaisiopama mu kwiminau auvemewa. Iesu me apasoro ge pirisi painauvitwa me gumbe boruetewa. Me gumbe anoya.

a 3:1-2Nam 12:7; Ibr 4:14; 7:26

b 3:5Nam 12:7; Deu 18:15-19

c 3:7-11Sam 95:7-11

d 3:7-8Eks 17:7; Nam 20:2-5

e 3:11Nam 14:21-23

f 3:15 Ibr 3:7-8

g 3:16Nam 14:1-35

h 3:17 1Ko 10:10

‏ Hebrews 3

Iesu Me Kokavitwa, Mosisi Mina Onan

1 ^aMeoya, tatanaiwa iyakaisiopama mu kwiminau auvemewa. Iesu me apasoro ge pirisi painauvitwa me gumbe boruetewa. Me gumbe anoya. 2 Mosisi me God gweyawa undag oya anotumat ane. Me mina, Iesu me anotumat aivi Mamunwa God me Iesu wait wat gomiyanewa gumbe. 3 Gwe sitan abnawa ayamat aupe, gwe mekut onan. Me mina, Mamunwa God ane Iesu me eyawa kokavitwa aune, Mosisi mina onan. 4 Gwe desirom desirom bira da me siyampe, megara dividivi undag wadnewa me God. 5 ^bMosisi me nau aivi abnawa, sira me God gweyawa undag oya anotumat ane. Me dividivi me matai wapewa taibe watanwa oya. 6 Megara Keriso me Usiwa, God gweyawa gumbe anotumat aivi. Nu degadega me kikikit autanwa ge anoenewa oraiwa gumbo wakeyawa, mu yusipamit oieba kumiwa oya amaraigimtawa, nu God gweyawa.

Anotumat Onanwa Mu Oya Gwangwan Waivi

7 ^{c
,} ^dMeoya me Guwawa Iyakaisiyapama waiviwa mina,

“Ye gare mame noiwa anoyawa, nonewa den yaigiwape.
At inguiwa arawa apa amaorot auyawa kumive, ye ayana God danapiriwane. Me mina, nonewa den yaigiwape.
9 Ye isimureaiwa me amaorot ag yaunegiya,
sira bairawan 40 danave mu nau neuma yauya.
10 Meoya me kumiwa gumbe ne danampiriwa togomiyana, sira wana.
Mu evedni nonomagowa ipun eme,
sira mu ne ebuwanwa den yaug anoya.
11 ^eNe danampiriwa gumbe agi neuma ana.
Ne mu gumbo bainda den veni,
mu ne nonenwa emeniwa den aupe.”
12 Tatangwanen. Ye guniyap da, bira da nonemagawa kukaeba go nonemagave anotumat den aiviwa aug God wakenewa yankweg ube aipe ipewa, me bainda onan. ye yembovit yaiyai amaraya. 13 Kum wayawa gare, me danave yutuiwa garawan aya, sira ye bira da den nonemagewa yaigiwape kukaeba amaorot gumbe. 14 Nu anotumat amatonewa gumbe kikikit aug amaraigimtawa, nu Keriso oya nau desiroma. 15 ^fMamaib wane,

“Ye gare mame noiwa anoyawa, nonewa den yaigiwape.
Ye ayana God danapiriwane.
Me bainda onan. Nonewa den yaigiwape.”
16 ^gBira anog ane God danapiri ane? Me iyayapan undag mu Mosisi amarag Ejipt dauwag onamiyawa, go onan? 17 ^hBira gumbe, God danapiri ane bairawan 40 danave. Me iyayapan mu kukaeba aya sira at inguiwa arawa apa boriruwayawa kwapuwa teyawa, go onan? 18 God agi ane sira wane, “Ne mu gumbo bainda den veni, mu ne nonenwa emeniwa den aupe.” Bira gumbe God agi ane? Me iyayapan mu God noiwa den auyawa. Bira da onan. 19 Meoya nu yaug anotu, mu oma den ane nonowa emtanwa den auya, kuiyawa mu anotumat den eme.