‏ 1 Chronicles 2

Amadodana Ka-Israyeli

1Amadodana ka-Israyeli ayeyila: uRubheni, uSimiyoni, uLevi, uJuda, u-Isakhari, uZebhuluni, 2uDani, uJosefa, uBhenjamini, uNafithali, uGadi lo-Asheri.

AbakaJuda

Emadodaneni KaHezironi

3Amadodana kaJuda yila:
ngu-Eri, lo-Onani kanye loShela. Laba bobathathu wabazala lowesifazane ongumKhenani, indodakazi kaShuwa.
U-Eri, izibulo likaJuda, wayeyisigangi phambi kukaThixo, ngalokho uThixo wambulala.
4UThamari, umalukazana kaJuda wamzalela uPherezi loZera.
UJuda wayelamadodana amahlanu.

5Amadodana kaPherezi yila:
nguHezironi loHamuli.
6Amadodana kaZera yila:
nguZimri, lo-Ethani, loHemani, loKhalikholi kanye loDarida. Bonke babebahlanu.
7Indodana kaKhami yile:
ngu-Akhari, owaletha inhlupheko ko-Israyeli ngesiphambeko asenza ngalokho okungcwelisiweyo.
8Indodana ka-Ethani yile:
ngu-Azariya.
9Amadodana azalwa nguHezironi yila:
nguJerameli, loRamu kanye loKhalebi.

Kusukela KuRama Indodana KaHezironi

10URamu wayenguyise ka-Aminadabi,
njalo u-Aminadabi enguyise kaNahashoni, umkhokheli wabantu bakoJuda.
11UNahashoni wayenguyise kaSalimoni,
uSalimoni enguyise kaBhowazi.
12UBhowazi enguyise ka-Obhedi,
u-Obhedi enguyise kaJese.

13UJese wayenguyise
ka-Eliyabi izibulo lakhe; indodana yesibili kungu-Abhinadabi,
eyesithathu kunguShimeya, 14eyesine kunguNethaneli,
eyesihlanu kunguRadayi, 15eyesithupha kungu-Ozemu,
eyesikhombisa kunguDavida.
16Odadewabo kwakunguZeruya lo-Abhigeli.
Amadodana amathathu kaZeruya kwakungu-Abhishayi, loJowabi kanye lo-Asaheli.
17U-Abhigeli wayengunina ka-Amasa, oloyise okwakuthiwa nguJetha umʼIshumayeli.

UKhalebi Indodana KaHezironi

18UKhalebi indodana kaHezironi wayelabantwana abazala kumkakhe u-Azubha (lakuJeriyothi). Amadodana ka-Azubha ayeyila:
nguJesheri, loShobhabi, kanye lo-Adoni.
19Ekufeni kuka-Azubha, uKhalebi wathatha u-Efrathi, owamzalela uHuri.
20UHuri wayenguyise ka-Uri, njalo u-Uri enguyise kaBhezaleli.

21Muva, uHezironi wembatha lendodakazi kaMakhiri uyise kaGiliyadi (ayemthethe eseleminyaka engamatshumi ayisithupha ubudala bakhe), yena wamzalela uSegubi.
22USegubi wayenguyise kaJayiri, owayephethe imizi engamatshumi amabili lantathu eGiliyadi.
23(Kodwa uGeshuri lo-Aramu bathumba iHavothi-Jayiri, kanye leKhenathi lezindawana eziyimizana eseduzane, imizi engamatshumi ayisithupha.)
Bonke laba babeyisizukulwane sikaMakhiri uyise kaGiliyadi.
24Ngemva kokufa kukaHezironi eKhalebi-Efratha, u-Abhija umkaHezironi wamzalela u-Ashuri uyise kaThekhowa.

UJerameli Indodana KaHezironi

25Amadodana kaJerameli izibulo likaHezironi yila:
nguRamu izibulo lakhe, loBhuna, lo-Oreni, lo-Ozemu kanye lo-Ahija. 26UJerameli wayelomunye umfazi owayethiwa ngu-Athara unina ka-Onami.
27Amadodana kaRamu izibulo likaJerameli yila:
nguMazi, loJamini kanye lo-Ekheri.
28Amadodana ka-Onami yila:
nguShamayi loJada.
Amadodana kaShamayi yila:
nguNadabi lo-Abhishuri. 29Umka-Abhishuri kwakungu-Abhihayili, owamzalela u-Ahibhani loMolidi.
30Amadodana kaNadabi yila:
nguSeledi lo-Aphayimi. USeledi wafa engelabantwana.
31Indodana ka-Aphayimi yile:
ngu-Ishi, uyise kaSheshani. USheshani wayenguyise ka-Ahilayi.
32Amadodana kaJada, umfowabo kaShamayi yila:
nguJetha loJonathani. UJetha wafa engelabantwana.
33Amadodana kaJonathani yila:
nguPhelethi loZaza.
Laba babeyinzalo kaJerameli.

34USheshani wayengelawo amadodana, wayelamadodakazi wodwa.
Wayelesisebenzi saseGibhithe esasithiwa nguJariha. 35USheshani wendisela isisebenzi sakhe lesi esinguJariha, indodakazi yakhe eyamzalela u-Athayi.
36U-Athayi wayenguyise kaNathani,
uNathani enguyise kaZabhadi,
37uZabhadi enguyise ka-Efilali,
u-Efilali enguyise ka-Obhedi,
38u-Obhedi enguyise kaJehu,
uJehu enguyise ka-Azariya,
39u-Azariya enguyise kaHelezi,
uHelezi enguyise ka-Eleyasa,
40u-Eleyasa enguyise kaSisimayi,
uSisimayi enguyise kaShalumi,
41uShalumi enguyise kaJekhamiya,
uJekhamiya enguyise ka-Elishama.

Abosendo LukaKhalebi

42Amadodana kaKhalebi umfowabo kaJerameli yila:
uMesha izibulo lakhe, onguyise kaZifi,
lendodana yakhe uMaresha, uyise kaHebhroni.
43Amadodana kaHebhroni yila:
nguKhora, loThaphuwa, loRekhemu loShema.
44UShema wayenguyise kaRahama,
uRahama yena enguyise kaJokheyama.
URekhemu wayenguyise kaShamayi.
45Indodana kaShamayi kunguMawoni,
uMawoni wayenguyise kaBhethi Zuri.
46Umfazi weceleni kaKhalebi u-Efa wayengunina
kaHarani, loMoza kanye loGazezi.
UHarani wayenguyise kaGazezi.
47Amadodana kaJahidayi yila:
nguRegemi, loJothamu, loGeshani, loPhelethi, lo-Efa kanye loShafi.
48UMahakha umfazi weceleni kaKhalebi wayengunina
kaShebheri loThirihana.
49Nguye njalo owazala uShafi uyise kaMadimana kanye
loSheva uyise kaMakhibhena loGibhiya.
Indodakazi kaKhalebi kwakungu-Akhisa.
50Yibo laba abenzalo kaKhalebi.

Amadodana kaHuri izibulo lika-Efrathi yila:
nguShobhali uyise kaKhiriyathi-Jeyarimi, 51loSalima uyise kaBhethilehema, loHarefi uyise kaBhethi-Gaderi.
52Inzalo kaShobhali uyise kaKhiriyathi-Jeyarimi yile:
nguHaro, ingxenye yamaManahathi, 53labosendo lukaKhiriyathi-Jeyarimi kungama-Ithira lamaPhuthi lamaShumathi lamaMishirayi. Kulapho okwakudabuka khona amaZorathi lama-Eshithawoli.
54Abenzalo kaSalima yilaba:
nguBhethilehema, umNethofa, u-Athirothi-Bhethi-Jowabi, ingxenye yamaManahathi, amaZori, 55losendo lwabalobi ababehlala eJabhezi: AmaThirathi lamaShimeya lamaSukhathi. Laba babengamaKheni beyinzalo kaHamathi ukhokho wamaRekhabi.