Neh 7 | NdeBEN | STEP | Umduli usuyakhwe kutsha lezivalo sengizifakile ezindaweni zazo, abalindi bamasango labahlabeleli labaLevi bakhethwa.

‏ Nehemiah 7

1 Umduli usuyakhwe kutsha lezivalo sengizifakile ezindaweni zazo, abalindi bamasango labahlabeleli labaLevi bakhethwa. 2 Ngabeka umfowethu uHanani ukuphatha iJerusalema, kanye loHananiya umlawuli wesigodlo lenqaba ngoba wayeyindoda elobuqotho, emesabayo uNkulunkulu kulamadoda amanengi. 3 Ngathi kubo, “Amasango aseJerusalema makangavulwa ilanga lize litshise. Nxa abalindimasango belokhu besemsebenzini, kabavale iminyango bayinxibe. Njalo khethani izakhamizi zeJerusalema ukuba ngabalindi, abanye ezindaweni lapho abamiswe khona, abanye eduze lezindlu zabo.”

Uluhlu Lwezithunjwa Ezaphendukayo

4 Idolobho lalilikhulu libanzi, kodwa kwakulabantu abalutshwana phakathi kwalo, lezindlu zazingakavuselelwa. 5 Kwathi uNkulunkulu wami wakubeka enhliziyweni yami ukuqoqa ndawonye izikhulu, lezinduna labantukazana nje ukuthi bazobhalisa ngezimuli. Ngathola umbhalo wezizukulwane walabo ababuya kuqala. Nanku engakuthola kubhaliwe lapho:

6 laba yibo abantu belizwe abafikayo bephuma ebugqilini ababethunjiwe nguNebhukhadineza inkosi yaseBhabhiloni. Baba yizigqili (babuyela eJerusalema lakoJuda, ngulowo waya emzini wakibo, 7 abeza kanye loZerubhabheli, loJeshuwa, loNehemiya, lo-Azariya loRamiya, loNahamani, loModekhayi, loBhilishani loMisipherethi, loBhigivayi, loNehumi loBhana):

uluhlu lwamadoda ako-Israyeli:
8 awesizukulwane
sikaPharoshi ayezinkulungwane ezimbili lekhulu elilamatshumi ayisikhombisa lambili (2,172),
9 akaShefathiya ayengamakhulu amathathu lamatshumi ayisikhombisa lambili (372),
10 aka-Ara ayengamakhulu ayisithupha lamatshumi amahlanu lambili (652),
11 akaPhahathi-Mowabi (ngosendo lukaJeshuwa loJowabi) ayezinkulungwane ezimbili lamakhulu ayisificaminwembili letshumi lasificaminwembili (2,818),
12 aka-Elamu ayeyinkulungwane elamakhulu amabili lamatshumi amahlanu lane (1,254),
13 akaZathu ayengamakhulu ayisificaminwembili lamatshumi amane lanhlanu (845),
14 akaZakhayi ayengamakhulu ayisikhombisa lamatshumi ayisithupha (760),
15 akaBhinuyi ayengamakhulu ayisithupha lamatshumi amane lasificaminwembili (648),
16 akaBhebhayi ayengamakhulu ayisithupha lamatshumi amabili lasificaminwembili (628),
17 aka-Azigadi ayezinkulungwane ezimbili lamakhulu amathathu lamatshumi amabili lambili (2,322),
18 aka-Adonikhamu ayengamakhulu ayisithupha lamatshumi ayisithupha lasikhombisa (667),
19 akaBhigivayi ayezinkulungwane ezimbili lamatshumi ayisithupha lasikhombisa (2,067),
20 aka-Adini ayengamakhulu ayisithupha lamatshumi amahlanu lanhlanu (655),
21 aka-Atheri (ngoHezekhiya) ayengamatshumi ayisificamunwemunye lasificaminwembili (98),
22 akaHashumi ayengamakhulu amathathu lamatshumi amabili lasificaminwembili (328),
23 akaBhezayi ayengamakhulu amathathu lamatshumi amabili lane (324),
24 akaHarifi ayelikhulu letshumi lambili (112),
25 akaGibhiyoni ayengamatshumi ayisificamunwemunye lanhlanu (95),
26 amadoda ayeseBhethilehema leNethofa ayelikhulu lamatshumi ayisificaminwembili lasificaminwembili (188),
27 ayese-Anathothi ayelikhulu lamatshumi amabili lasificaminwembili (128),
28 ayeseBethi Azimavethi ayengamatshumi amane lambili (42),
29 ayeseKhiriyathi-Jeyarimi, leKhefira leBherothi ayengamakhulu ayisikhombisa lamatshumi amane lantathu (743),
30 ayeseRama leGebha ayengamakhulu ayisithupha lamatshumi amabili lanye (621),
31 ayeseMikhimashi ayelikhulu lamatshumi amabili lambili (122),
32 ayeseBhetheli le-Ayi ayelikhulu lamatshumi amabili lantathu (123),
33 awakweyinye iNebho ayengamatshumi amahlanu lambili (52),
34 awakweyinye i-Elamu ayeyinkulungwane elamakhulu amabili lamatshumi amahlanu lane (1,254),
35 ayeseHarimi ayengamakhulu amathathu lamatshumi amabili (320),
36 aseJerikho ayengamakhulu amathathu lamatshumi amane lanhlanu (345),
37 ayeseLodi, eHadidi le-Ono ayengamakhulu ayisikhombisa lamatshumi amabili lane (721),
38 ayeseSenaya ayezinkulungwane ezintathu lamakhulu ayisificamunwemunye lamatshumi amathathu (3,930).

39 Abaphristi:
abesizukulwane
sikaJedaya (ngosendo lukaJeshuwa) babengamakhulu ayisificamunwemunye lamatshumi ayisikhombisa lantathu (973),
40 abaka-Imeri babeyinkulungwane elamatshumi amahlanu lambili (1,052),
41 abakaPhashuri babeyinkulungwane lamakhulu amabili lamatshumi amane lasikhombisa (1,247),
42 abakaHarimi babeyinkulungwane eletshumi lasikhombisa (1,017).

43 AbaLevi:
abesizukulwane
sikaJeshuwa (ngoKhadimiyeli ngosendo lukaHodaviya) babengamatshumi ayisikhombisa lane (74).

44 Abahlabeleli:
Abesizukulwane
sika-Asafi babelikhulu lamatshumi amane lasificaminwembili (148).

45 Abalindimasango ethempeli:
abesizukulwane
sikaShalumi, lo-Atheri, loThalimoni, lo-Akhubi, loHathitha loShobhayi babelikhulu lamatshumi amathathu lasificaminwembili (138).

46 Izinceku zethempelini:
abesizukulwane
sikaZiha, loHasufa loThabhawothi,
47 loKherosi, loSiya, loPhadoni,
48 loLebhana, loHagabha, loShalimayi,
49 loHanani, loGideli, loGahari,
50 loReyaya, loRezini, loNekhoda,
51 loGazami, lo-Uza, loPhaseya,
52 loBhesayi, loMewunimi, loNefushesimi,
53 loBhakibhuki, loHakufa, loHahuri,
54 loBhaziluthi, loMehida, loHasha,
55 loBhakhosi, loSisera, loThema,
56 loNeziya loHathifa.
57 Abezizukulwane zezinceku zikaSolomoni:
Abesizukulwane
sikaSothayi, loSoferethi loPherida,
58 loJayala, loDakhoni, loGideli,
59 loShefathiya, loHathili,
loPhokherethi-Hazebhayimi lo-Amoni.
60 Izinceku zethempelini labezizukulwane zezinceku zikaSolomoni babengamakhulu amathathu lamatshumi ayisificamunwemunye lambili (392).

61 Abalandelayo laba bavela emadolobheni aseTheli Mela, eTheli Hasha, eKherubi, e-Adoni, lase-Imeri, kodwa behluleka ukuveza ukuthi usendo lwabo lwaphuma ko-Israyeli:
62 abesizukulwane
sikaDelaya, loThobhiya loNekhoda babengamakhulu ayisithupha lamatshumi amane lambili (642).

63 Ababephuma kubaphristi kwakuyilaba:
abesizukulwane
sikaHobhaya, esikaHakhozi lesikaBhazilayi (indoda eyayithethe indodakazi kaBhazilayi umGiliyadi layo yayibizwa ngalelobizo).
64 Laba baphenya imibhalo yembali yezimuli zabo, kodwa bayiswela ngakho basuswa ebuphristini kwathiwa bangcolile. 65 Ngakho-ke, umbusi wabalaya ukuthi bangakudli loba yikuphi ukudla okungcwele kuze kubekhona umphristi wokubuza inkatho i-Urimi leThumimi.

66 Ixuku lonke lalilinani elifika inkulungwane ezingamatshumi amane lambili lamakhulu amathathu lamatshumi ayisithupha (42,360), 67 ngaphandle kwezinceku zabo ezesilisa labesifazane ezazifika inkulungwane eziyisikhombisa lamakhulu amathathu lamatshumi amathathu lasikhombisa (7,337); njalo belabahlabeleli besilisa labesifazane abafika amakhulu amabili lamatshumi amane lanhlanu (245). 68 Kwakulamabhiza ayefika amakhulu ayisikhombisa lamatshumi amathathu lasithupha (736), imbongolo ezingamakhulu amabili lamatshumi amane lanhlanu (245), amakamela angamakhulu amane lamatshumi amathathu lanhlanu (435), 69 labobabhemi abazinkulungwane eziyisithupha lamakhulu ayisikhombisa lamatshumi amabili (6,720).

70 Ezinye inhloko zezimuli zancedisa emsebenzini. Umbusi wanikela esikhwameni esikhulu, amadrakhima egolide ayinkulungwane (1,000), imiganu engamatshumi amahlanu (50) lezigqoko zabaphristi ezingamakhulu amahlanu lamatshumi amathathu (530). 71 Abanye abazinhloko zezimuli baphosela esikhwameni amadrakhima egolide azinkulungwane ezingamatshumi amabili (20,000) lamamina esiliva azinkulungwane ezimbili lamakhulu amabili (2,200). 72 Sekukonke okwaphiwa ngabantu bonke kwaba ngamadrakhima egolide azinkulungwane ezingamatshumi amabili (20,000), amamina esiliva azinkulungwane ezimbili (2,000) lezigqoko zabaphristi ezingamatshumi ayisithupha lasikhombisa (67).

73 Abaphristi, labaLevi, labalindimasango, labahlabeleli, lezinceku zethempelini, kanye labanye abantu lo-Israyeli wonke, bahlala emadolobheni akibo.