Psalms 82
Ihubo lika-Asafi
1UNkulunkulu usesihlalweni emhlanganweni omkhulu;nguye owahlulelayo phakathi kwabo “nkulunkulu”:
2“Koze kube nini livikela ababi na
libonakala lithanda izigangi?
3Lamlelani ababuthakathaka lezintandane;
melani amalungelo abayanga labahlukuluzwayo.
4Lamlelani ababuthakathaka labaswelayo;
bephuleni esandleni sababi.
5Onkulunkulu kabazi lutho, kabazwisisi lutho.
Bayantula emnyameni;
zonke izisekelo zomhlaba zixukuxiwe.
6Ngathi, ‘Lingo “nkulunkulu”;
lonke lingamadodana akhe oPhezukonke.’
7Kodwa lizakufa lingabantu nje;
lizakuwa njengamanye amakhosi wonke.”
8Phakama, Oh Nkulunkulu, yahlulela umhlaba,
ngoba zonke izizwe ziyilifa lakho.
Copyright information for
NdeBEN