1 Chronicles 25
Abahlabeleli
1UDavida, elabalawuli bamabutho, wakhetha abanye bamadodana ka-Asafi, uHemani loJeduthuni emsebenzini wokuphrofetha, baphelekezelwa yimihubhe lamachacho lezigubhu. Nantu uluhlu lwamadoda ayesenza lowomsebenzi: 2Emadodaneni ka-Asafi: nguZakhuri, loJosefa, loNethaniya kanye lo-Asarela. Amadodana ka-Asafi ayesesandleni sika-Asafi, yena owayephrofetha esesandleni senkosi. 3NgakuJeduthuni, amadodana akhe yila: nguGedaliya, loZeri, loJeshayiya loShimeyi, loHashabhiya kanye loMathithiya, beyisithupha ndawonye, besesandleni sikayise uJeduthuni, owayephrofetha esebenzisa umhubhe ukubonga lokudumisa uJehova. 4NgakuHemani, amadodana akhe yila: nguBhukhiya, loMathaniya, lo-Uziyeli, loShubayeli kanye loJerimothi; uHananiya, loHanani, lo-Eliyatha, loGidalithi loRomamthi-Ezeri; loJoshibhekhasha, loMalothi, loHothiri kanye loMahaziyothi. 5Bonke laba kwakungamadodana kaHemani umboni wenkosi. Bona ebaphiwe ngesithembiso sikaNkulunkulu sokumphakamisa. UNkulunkulu wapha uHemani amadodana alitshumi lane lamadodakazi amathathu. 6Wonke lamadoda ayephethwe ngoyise emsebenzini wokuhlabela ethempelini likaJe-hova, ngezigubhu, amachacho lemihubhe enkonzweni endlini kaNkulunkulu. U-Asafi, loJeduthuni kanye loHemani babephethwe yinkosi. 7Bona kanye lezihlobo zabo – bonke bewufundele umsebenzi wokuhlabelela njalo bengamagabazi okuhlabelela uJehova – babengamakhulu amabili lamatshumi aficamibili labantu abaficamibili. 8Abatsha labadala ngokufana, abafundisayo lababefunda, baphosa inkatho yokuphana amazopho. 9Izopho lenkatho yakuqala elalingelika-Asafi laya kuJosefa lamadodana akhe kanye lezihlobo zakhe, belitshumi lambili; elesibili laya kuGedaliya, yena kanye lezihlobo lamadodana akhe belitshumi lambili; 10izopho lesithathu laya keZakhuri, lakumadodana akhe lezihlobo zakhe, belitshumi lambili; 11izopho lesine laya ku-Iziri, lakumadodana akhe lezihlobo zakhe belitshumi lambili; 12izopho lesihlanu laya kuNethaniya, lakumadodana akhe lezihlobo zakhe belitshumi lambili; 13izopho lesithupha laya kuBhukhiya, lakumadodana akhe lezihlobo, belitshumi lambili; 14izopho lesikhombisa laya kuJesarela, lamadodana akhe lezihlobo, belitshumi lambili; 15izopho lesificamibili laya ku-Jeshayiya, lakumadodana akhe lezihlobo, belitshumi lambili; 16izopho lesificamunye laya kuMathaniya, lakumadodana akhe lezihlobo, belitshumi lambili; 17izopho letshumi laya kuShimeyi, lakumadodana akhe lezihlobo, belitshumi lambili; 18izopho letshumi lanye laya ku-Azareli, lakumadodana akhe lezihlobo, belitshumi lambili; 19izopho letshumi lambili laya kuHashabhiya, lakumadodana akhe lezihlobo, belitshumi lambili; 20izopho letshumi lantathu laya kuShubayeli, lakumadodana akhe lezihlobo, belitshumi lambili; 21izopho letshumi lane laya kuMathithiya, lakumadodana akhe lezihlobo, belitshumi lambili; 22izopho letshumi lanhlanu laya kuJerimothi, lakumadodana akhe lezihlobo, belitshumi lambili; 23izopho letshumi lesithupha laya kuHananiya, lakumadodana akhe lezihlobo, belitshumi lambili; 24izopho letshumi lesikhombisa laya kuJoshibhekhasha, lakumadodana akhe lezihlobo, belitshumi lambili; 25izopho letshumi lesificamibili laya kuHanani, lakumadodana akhe lezihlobo, belitshumi lambili; 26izopho letshumi lesificamunye laya kuMalothi, lakumadodana akhe lezihlobo, belitshumi lambili; 27izopho lamatshumi amabili laya ku-Eliyatha, lakumadodana akhe lezihlobo, belitshumi lambili; 28izopho lamatshumi amabili lanye laya kuHothiri, lakumadodana akhe lezihlobo, belitshumi lambili; 29izopho lamatshumi amabili lambili laya kuGidalithi, lakumadodana akhe lezihlobo, belitshumi lambili; 30izopho lamatshumi amabili lantathu laya kuMahaziyothi, lakumadodana akhe lezihlobo, belitshumi lambili; 31izopho lamatshumi amabili lane laya kuRomamthi-Ezeri lakumadodana akhe lezihlobo, belitshumi lambili.
Copyright information for
NdeIBE