Nehemiah 7
1Umduli usuwakhiwe lezivalo sengizifakile ezindaweni zazo, abalindi bamasango labahlabeleli labaLevi bakhethwa. 2Ngabeka umfowethu uHanani ukuphatha iJerusalema, kanye loHananiya umlawuli wesigodlo lenqaba ngoba wayeyindoda elobuqotho, emesabayo uNkulunkulu kulamadoda amanengi. 3Ngathi kubo, “Amasango aseJerusalema makangavulwa ilanga lize litshise. Nxa abalindimasango belokhu besemsebenzini, kabavale iminyango bayinxibe. Njalo khethani izakhamizi zeJerusalema ukuba ngabalindi, abanye ezindaweni lapho abamiswe khona, abanye eduze lezindlu zabo.”Uluhlu lwezithunjwa ezaphendukayo
4Idolobho lalilikhulu libanzi, kodwa kwakulabantu abalutshwana phakathi kwalo, lezindlu zazingakavuselelwa. 5Kwathi uNkulunkulu wami wakubeka enhliziyweni yami ukuqoqa ndawonye izikhulu, lezinduna labantukazana nje ukuthi bazobhalisa ngezimuli. Ngathola umbhalo wezizukulwane walabo ababuya kuqala. Nanku engakuthola kubhaliwe lapho: 6Laba yibo abantu belizwe abafikayo bephuma ebugqilini ababethethwe nguNebhukhadinezari inkosi yase-Bhabhiloni baba yizigqili (babuyela eJerusalema lakoJuda, ngulowo waya emzini wakibo, 7abeza kanye loZerubhabheli, loJeshuwa, loNehemiya, lo-Azariya loRamiya, loNamari, loModekhayi, loBhilishani loMisipherethi, loBhigivayi, loNehumi loBhana): Uluhlu Lwamadoda Ako-Israyeli: 8abesizukulwana sikaPharoshi 2,172 9abakaShafathiya 372 10abaka-Ara 652 11abakaPhahathi-Mowabi (ngosendo lukaJeshuwa loJowabi) 2,818 12abaka-Elami 1,254 13abakaZathu 845 14abakaZakhayi 760 15abakaBhinuyi 648 16abakaBhebhayi 628 17abaka-Azigadi 2,322 18abaka-Adonikhamu 667 19abakaBhigivayi 2,067 20abaka-Adini 655 21abaka-Atheri (ngoHezekhiya) 98 22abakaHashumi 328 23abakaBhezayi 324 24abakaHarifi 112 25abakaGibheyoni 95 26amadoda aseBethilehema leNethofa 188 27abase-Anathothi 128 28abaseBethi Azimavethi 42 29abaseKhiriyathi Jeyarimu, leKhefira leBherothi 743 30abaseRama leGebha 621 31abaseMikimashi 122 32abaseBetheli le-Ayi 123 33abeyinye iNebho 52 34abeyinye i-Elami 1,254 35abaseHarimi 320 36abaseJerikho 345 37abaseLodi, eHadidi le-Ono 721 38abaseSenaya 3,930 39Abaphristi: abesizukulwana sikaJediya (ngosendo lukaJeshuwa) 973 40abaka-Imeri 1,052 41abakaPashuri 1,247 42abakaHarimu 1,017 43AbaLevi: abesizukulwana sikaJeshuwa (ngoKhadimiyeli ngosendo luka-Hodaviya) 74 44Abahlabeleli: Abesizukulwana sika-Asafi 148 45Abalindimasango: abesizukulwana sikaShalumi, loAtheri, loThalimoni, lo-Akhubi, loHathitha loShobayi 138 46Izinceku zethempelini: abesizukulwana sikaZiha, Hasufa loThabawothi, 47loKherosi, loSiya, loPhadoni, 48loLebhama, loHagaba, loShalimayi, 49loHanani, loGideli, loGahari, 50loReyayiya, loRezini, loNekhoda, 51loGazami, lo-Uza, loPhaseya, 52loBhesayi, loMewunimi, loNefusimu, 53loBhakibhuki, loHakhupha, loHarihuri, 54loBhaziluthi, loMehida, loHarisha 55loBharikhosi, loSisera, loThema, 56loNeziya loHathifa. 57Abezizukulwana zezinceku zikaSolomoni: Abesizukulwana sikaSothayi, loSoferethi loPherida, 58loJayala, loDakhoni, loGideli, 59loShefathiya, loHathili, loPhokherethi-Hazebhayimi lo-Amoni. 60Izinceku zethempelini labezizukulwana zezinceku zikaSolomoni 392 61Abalandelayo laba bavela emadolobheni aseTheli Mela, eTheli-Hasha, eKherubi, e-Adoni lase-Imeri, kodwa behluleka ukuveza ukuthi usendo lwabo lwaphuma ko-Israyeli: 62abesizukulwana sikaDeliya, loThobhiya loNekhoda 642 63Ababesuka kubaphristi: abesizukulwana sikaHobhiya, lesikaHakhozi lesikaBhazilayi (indoda eyayithethe indodakazi kaBhazilayi umGileyadi laye wayebizwa ngalelobizo). 64Bonke laba baphenyisisa izincwadi zomdabuko wezimuli zabo kodwa baziswela, yikho batshiywa ngaphandle kobuphristi kwathiwa bangcolile. 65Ngakho umbusi, wasesithi kabangakudli ukudla okungcwele kuze kube lomphristi ozakhonza nge-Urimi leThumini. 66Ixuku lonke lalilinani elifika 42,360, 67ngaphandle kwezinceku zabo ezesilisa labesifazana ezazifika 7,337; njalo belabahlabeleli besilisa labesifazana abafika 245. 68Kwakulamabhiza ayefika 736, izimbongolo 245, amakamela 435, 69labobabhemi 6,720. 70Ezinye izinhloko zezimuli zancedisa emsebenzini. Umbusi wanikela esikhwameni esikhulu, amadrakhima egolide ayi 1,000, imiganu engama 50 lezigqoko zabaphristi ezi 530. 71Abanye abayizinhloko zezimuli baphosela esikhwameni amadrakhima egolide azi 20,000 lamamina esiliva afika 2,200. 72Sekukonke okwaphiwa ngabantu bonke kwaba ngamadrakhima egolide afika 20,000, amamina esiliva afika 2,000 lezigqoko zabaphristi ezingama 67. 73Abaphristi, labaLevi, labalindimasango, labahlabeleli, lezinceku zethempelini, kanye labanye abantu lo-Israyeli wonke, bahlala emadolobheni akibo.
Copyright information for
NdeIBE