Psalms 110
ElikaDavida. Ihubo.
1UJehova uthi enkosini yami: “Hlala ngasekunene kwami ngize ngenze izitha zakho zibe yisinyathelo sezinyawo zakho.” 2UJehova uzakwelula intonga yakho elamandla eyobukhosi kusuka eZiyoni; wena uzabusa phakathi kwezitha zakho. 3Amabutho akho azazinikela mhla uphuma impi. Wembethe ubukhosi obungcwele, phakathi komnyama wempondozankomo uzakwamukela amazolo obutsha bakho. 4UJehova usefungile, kasayikuguquka: “Ungumphristi laphakade ezinyathelweni zikaMelikhizedeki.” 5UJehova ukwesokunene sakho; uzawachoboza amakhosi mhla wosuku lokuthukuthela kwakhe. 6Uzazahlulela izizwe, enze inqwaba yabafileyo njalo abachoboze ababusi bomhlaba wonke. 7Uzanatha emfuleni oseceleni kwendlela; ngakho-ke uzaliphakamisa ikhanda lakhe.
Copyright information for
NdeIBE