Psalms 29
Ihubo likaDavida
1Mupheni uJehova, lina ziphakanyiswa, mupheni uJehova ubukhosi lamandla. 2Mupheni uJehova ubukhosi obufanele ibizo lakhe; mkhonzeni uJehova ekukhazimuleni kobungcwele bakhe. 3Ilizwi likaJehova lingaphezulu kwamanzi; uNkulunkulu wenkazimulo uyandindiza, uJehova uyandindiza phezu komsinga wamanzi. 4Ilizwi likaJehova lilamandla; ilizwi likaJehova lilobukhosi. 5Ilizwi likaJehova lephula imisedari; uJehova uyivodloza izicucu imisedari yaseLebhanoni. 6Wenza iLebhanoni itshakale njengethole, iSiriyoni njengeguqa lenyathi. 7Ilizwi likaJehova litshaya ngezikhatha zombane. 8Ilizwi likaJehova liyayizamazamisa inkangala; uJehova uyayizamazamisa iNkangala yaseKhadeshi. 9Ilizwi likaJehova liyayitshila imikusu likhwixine izihlahla amagusu asale eze. Njalo ethempelini lakhe bonke bazamemeza bathi, “Inkazimulo!” 10UJehova uhlezi ebukhosini phezu kwesikhukhula; uJehova unguMbusi lanininini. 11UJehova unika amandla ebantwini bakhe; uJehova ubusisa abantu bakhe ngokuthula.
Copyright information for
NdeIBE