Psalms 3
Ihubo likaDavida ebalekela indodana yakhe u-Abhsalomi
1O Jehova, banengi kangaka abayizitha zami! Banengi kangaka abangihlaselayo! 2Abanengi bathi ngami, “UNkulunkulu kayikumkhulula.” 3Kodwa wena uyisihlangu sokungivikela, O, Jehova; ungethesa inkazimulo, uphakamise ikhanda lami. 4Ngikhala kakhulu kuJehova laye angiphendule esentabeni yakhe engcwele. 5Ngiyalala phansi ngijumeke; ngibuye ngiphaphame, ngoba uJehova uyangilondoloza. 6Angiyikubesaba abangamatshumitshumi ezinkulungwane abangihlaselayo inxa zonke. 7Phakama, awu Jehova! Ngisindise, O Nkulunkulu wami! Zibethe zonke izitha zami emhlathini; akhumule amazinyo ababi. 8KuJehova kuvela ukukhululwa. sengathi isibusiso sakho singaba sebantwini bakho.
Copyright information for
NdeIBE