Psalms 38
Ihubo likaDavida. Isikhalazo
1Hawu Jehova, ungangikhuzi ngolaka loba ungijezise uthukuthele. 2Ngokuba imitshoko yakho ingicibile, njalo wangibhansula kakhulu ngesandla sakho. 3Ngenxa yokuthukuthela kwakho kangiselakuphila emzimbeni wami; amathambo ami kawasaqinanga ngenxa yesono sami. 4Ukona kwami sekungisinda njengomthwalo onzima ongathwalekiyo. 5Izilonda zami sezilobovu sezisenyanyeka ngenxa yobuthutha bami besono. 6Ngiyangiswe ngehliswa kakhulu; sengitshona ngilila ilanga lonke. 7Ngiphethwe liqolo ngobuhlungu obuqumayo; umzimba wami kawuselampilo. 8Sengibuthakathaka, sengicubuzekile; ngiyabubula ngobuhlungu benhliziyo. 9Zonke iziloyiso zami zisobala kuwe, O Jehova; ukububula kwami kakufihlekanga kuwe. 10Inhliziyo yami iyagubhaza, amandla ami ayaphela; lokukhanya sekufiphele emehlweni ami. 11Abangane bami labakhula bami sebengibalekela ngenxa yamanxeba ami; 12Labo abafuna impilo yami sebethiyile, labo abafuna ukungilimaza bakhuluma ngokungidiliza; ilanga lonke batshonela ukwakha amacebo enkohliso. 13Sengifana lesacuthe esingezwayo, njengesimungulu esehluleka ukuvula umlomo waso; 14Senginjengomuntu ongezwayo, olomlomo ongaphi mpendulo. 15Ngikulindele, O Jehova; uzaphendula, O Nkosi Nkulunkulu wami. 16Ngokuba ngathi, “Ungabayekeli baklolode kumbe bazikhukhumeze phezu kwami nxa unyawo lwami lutshelela.” 17Ngokuba sengiseduze lokuwa, lobuhlungu bungiphethe njalonjalo. 18Ngiyabuvuma ububi bami; ngiyakhathazeka ngesono sami. 19Banengi labo abayizitha zami ezitshisekayo, labo abangizonda bengelasizatho banengi. 20Labo abangiphindisela okuhle ngokubi bayangigcona lapho ngisenza okulungileyo. 21Hawu Jehova, ungangideli; ungabi khatshana lami, O Nkulunkulu wami. 22Woza masinyane uzongisiza, O Jehova, Msindisi wami.
Copyright information for
NdeIBE