Psalms 6
Kumqondisi wokuhlabela. Ngeleziginci. Kulandelwa isheminithi. Ihubo likaDavida.
1O Jehova ungangikhalimeli ngolaka lwakho njalo ungangitshayi uthukuthele. 2Woba lomusa kimi, Jehova, ngokuba ngiphela amandla; O Jehova, ngisilisa, ngoba amathambo ami alobuhlungu. 3Umoya wami udabukile. Koze kube nini, O Jehova, koze kube nini? 4Phenduka, O Jehova, ungikhulule; ngihlenga ngenxa yothando lwakho olungehlulekiyo. 5Kakho okukhumbulayo nxa esefile. Ngubani okukhonzayo engcwabeni lakhe na? 6Ngikhathele ngokububula; ubusuku bonke umbheda wami uba manzi te ngikhala umendlalo wami ngiwugcwalise ngezinyembezi. 7Amehlo ami ayafiphala ngenxa yosizi; ayanqundeka ngenxa yazo zonke izitha zami. 8Xekani kimi lina lonke elenza okubi, ngoba uJehova usekuzwile ukulila kwami. 9UJehova usekuzwile ukukhala kwami ngicela umusa; uJehova uyawamukela umkhuleko wami. 10Zonke izitha zami zizayangeka zidaniswe; zizatshibilika zibuyele emuva masinyane sezilehlazo.
Copyright information for
NdeIBE