Psalms 99
1UJehova uyabusa, izizwe kazithuthumele; uhlezi esihlalweni sobukhosi phakathi kwamakherubi, umhlaba kawuzamazame. 2Mkhulu uJehova eZiyoni; uphakeme ngaphezu kwezizwe zonke. 3Mabadumise ibizo lakho elikhulu elesabekayo – yena ungcwele. 4INkosi ilamandla, ithanda ukwahlulela okuhle – umisile ukwaba ngemfanelo; kuJakhobe usuwenzile okuqondileyo lokulungileyo. 5Dumisani uJehova uNkulunkulu wethu likhonze phansi kwesihlalo sakhe; yena ungcwele. 6UMosi lo-Aroni babephakathi kwabaphristi bakhe, uSamuyeli wayekulabo ababelibiza igama lakhe; bambiza uJehova yena wabaphendula. 7Wabakhulumisa ephakathi kwensika yeyezi; bagcina iziyalezelo zakhe lezimemezelo azitshoyo kubo. 8O Jehova Nkulunkulu wethu, wabaphendula; ku-Israyeli wawunguNkulunkulu othethelelayo, lanxa wabajezisa ngenxa yezenzo zabo ezimbi. 9Phakamisani uJehova uNkulunkulu wethu, limkhonze entabeni yakhe engcwele, ngokuba uJehova uNkulunkulu wethu ungcwele.
Copyright information for
NdeIBE