1Ch 9 | Ndebele | STEP | UIsrayeli wonke wasebalwa ngezizukulwana; khangela-ke, zibhaliwe egwalweni lwamakhosi akoIsrayeli ; kodwa abakoJuda bathunjelwa eBhabhiloni ngenxa yeziphambeko zabo .

1 UIsrayeli wonke wasebalwa ngezizukulwana; khangela-ke, zibhaliwe egwalweni lwamakhosi akoIsrayeli ^a; kodwa abakoJuda bathunjelwa eBhabhiloni ngenxa yeziphambeko zabo ^b.

2 Njalo abahlali bokuqala ababeselizweni labo emizini yabo kwakunguIsrayeli, abapristi, amaLevi ^c, lamaNethini ^d. 3 Njalo eJerusalema kwahlala ababantwana bakoJuda lababantwana bakoBhenjamini lababantwana bakoEfrayimi loManase ^e: 4 U-Uthayi indodana kaAmihudi indodana kaOmri indodana kaImri indodana kaBani, wabantwana bakaPerezi indodana kaJuda ^f. 5 LakumaShiloni ^g: UAsaya izibulo, lamadodana akhe. 6 Lakumadodana kaZera ^h: UJeyuweli labafowabo, amakhulu ayisithupha lamatshumi ayisificamunwemunye. 7 Lakumadodana akoBhenjamini: USalu indodana kaMeshulamu indodana kaHodaviya indodana kaHasenuwa ⁱ; 8 loIbineya indodana kaJerohamu, loEla indodana kaUzi indodana kaMikiri, loMeshulamu indodana kaShefathiya indodana kaRehuweli indodana kaIbiniya; 9 labafowabo ngezizukulwana zabo, amakhulu ayisificamunwemunye lamatshumi amahlanu lesithupha ^j. Wonke lamadoda ayeyizinhloko zaboyise endlini yaboyise ^k.

10 Lakubapristi: OJedaya, loJehoyaribi, loJakini ^l, 11 loAzariya indodana kaHilikhiya indodana kaMeshulamu ^m indodana kaZadoki ⁿ indodana kaMerayothi ^o indodana kaAhitubi ^p, umphathi wendlu kaNkulunkulu ^q, 12 loAdaya ^r indodana kaJerohamu ^s indodana kaPashuri ^t indodana kaMalikiya, loMahasayi indodana kaAdiyeli ^u indodana kaJahizera indodana kaMeshulamu indodana kaMeshilemithi indodana kaImeri ^v, 13 labafowabo, izinhloko zendlu yaboyise, inkulungwane lamakhulu ayisikhombisa lamatshumi ayisithupha, abalamandla ngobungcwethi emsebenzini wenkonzo yendlu kaNkulunkulu.

14 LakumaLevi: UShemaya indodana kaHashubi indodana kaAzirikamu indodana kaHashabhiya, owamadodana kaMerari ^w, 15 loBakibakari, uHereshi, loGalali ^x, loMathaniya indodana kaMika ^y indodana kaZikiri indodana kaAsafi ^z, 16 loObhadiya ^aa indodana kaShemaya ^ab indodana kaGalali indodana kaJeduthuni ^ac, loBerekiya indodana kaAsa indodana kaElkana owahlala emizini yamaNetofa ^ad. 17 Labagcini bamasango oShaluma loAkubi loTalimoni loAhimani; lomfowabo uShaluma wayeyinhloko ^ae; 18 njalo kuze kube yilesisikhathi, babesesangweni lenkosi ngempumalanga, laba babengabagcini bamasango enkambeni yabantwana bakoLevi ^af. 19 UShaluma indodana kaKore indodana kaEbiyasafi indodana kaKora, labafowabo, abendlu kayise ^ag, amaKora, basebephatha umsebenzi wenkonzo, abalindi beminyango yethente; laboyise baphatha ibandla leNkosi, abalindi bentuba ^ah. 20 UPhinehasi indodana kaEleyazare wayengumbusi phezu kwabo ngaphambili; iNkosi yayilaye ^ai. 21 UZekhariya indodana kaMeshelemiya wayengumgcinisango emnyango wethente lenhlangano ^aj. 22 Bonke labo abakhethwayo babangabagcinimasango emibundwini, babengamakhulu amabili letshumi lambili ^ak; babhalwa ngezizukulwana zabo emizini yabo; oDavida loSamuweli ^al umboni ababamisa esikhundleni sabo ^am. 23 Ngakho bona lamadodana abo baphatha amasango endlini yeNkosi, indlu yethente, ngemilindo. 24 Abalindi bamasango babekhona emimoyeni yomine, empumalanga, entshonalanga, enyakatho, leningizimu. 25 Labafowabo ababesemizini yabo ^an babefanele beze okwensuku eziyisikhombisa izikhathi ngezikhathi kanye labo ^ao. 26 Ngoba amaLevi la, abagcini bamasango abakhulu bobane, babesesikhundleni, babephethe amakamelo bephezu kwezindlu zenotho zendlu kaNkulunkulu.

27 Njalo babehlala ebusuku bezingelezele indlu kaNkulunkulu, ngoba umlindo wawuphezu kwabo, njalo bephethe ukuvulwa kwayo, ngitsho ikuseni ngekuseni ^ap. 28 Njalo abanye babo babephethe izitsha zenkonzo, ngoba ngenani bazingenisa, langenani bazikhupha. 29 Labanye babo babemiswe phezu kwezitsha, laphezu kwazo zonke izitsha ezingcwele, laphezu kwempuphu ecolekileyo lewayini lamafutha lempepha lamakha ^aq. 30 Abanye emadodaneni abapristi babehlanganisa-ke amafutha amakha ^ar. 31 LoMathithiya kumaLevi, owayelizibulo likaShaluma umKora ^as, wayephathiswe umsebenzi wamaqebelengwana abhakwe emapanini. 32 Labanye babantwana bamaKohathi kubafowabo babephethe isinkwa sokubukiswa ukusilungisa isabatha ngesabatha ^at. 33 Lalaba ngabahlabeleli, izinhloko zaboyise bamaLevi ^au, emakamelweni, bekhululekile ^av, ngoba emini lebusuku kwakuphezu kwabo ukuba semsebenzini ^aw. 34 Laba bazinhloko zaboyise bamaLevi, izinhloko ngezizukulwana zabo; laba bahlala eJerusalema.

Izizukulwana zikaSawuli

35 EGibeyoni kwakuhlala-ke uyise kaGibeyoni, uJehiyeli; lebizo lomkakhe lalinguMahaka ^ax. 36 Lendodana yakhe elizibulo uAbidoni, loZuri loKishi loBhali loNeri loNadabi 37 loGedori loAhiyo loZekhariya loMikilothi. 38 UMikilothi wasezala uShimeyamu; laba labo bahlala eJerusalema maqondana labafowabo kanye labafowabo. 39 UNeri wasezala uKishi; uKishi wasezala uSawuli; uSawuli wasezala oJonathani loMaliki-Shuwa loAbinadaba loEshibhali ^ay. 40 Njalo indodana kaJonathani yayinguMeribi-Bhali ^az; uMeribi-Bhali wasezala uMika. 41 Njalo amadodana kaMika: OPithoni loMeleki loTareya ^ba. 42 UAhazi wasezala uJara ^bb; uJara wasezala oAlemethi loAzimavethi loZimri. UZimri wasezala uMoza. 43 UMoza wasezala uBineya, loRefaya indodana yakhe, uEleyasa indodana yakhe, uAzeli indodana yakhe ^bc. 44 Njalo uAzeli wayelamadodana ayisithupha; lala ngamabizo awo: OAzirikamu, uBhokeru, loIshmayeli, loSheyariya, loObhadiya, loHanani. La ayengamadodana kaAzeli.