1Sa 4:2-3, 10-11, Psa 78:60-64 | Ndebele | STEP | AmaFilisti asezihlela ukumelana loIsrayeli; kwathi impi isabalala, uIsrayeli watshaywa phambi kwamaFilisti; njalo atshaya emaviyweni egangeni phose amadoda azinkulungwane ezine.

1 Samuel 4:2-3

2 AmaFilisti asezihlela ukumelana loIsrayeli; kwathi impi isabalala, uIsrayeli watshaywa phambi kwamaFilisti; njalo atshaya emaviyweni egangeni phose amadoda azinkulungwane ezine. 3 Kwathi abantu befika enkambeni, abadala bakoIsrayeli bathi: INkosi isitshayeleni lamuhla phambi kwamaFilisti? Asizithatheleni eShilo ^a umtshokotsho wesivumelwano seNkosi ^b; nxa usiza phakathi kwethu uzasisindisa esandleni sezitha zethu.

1 Samuel 4:10-11

10 Ngakho amaFilisti alwa, loIsrayeli watshaywa ^c, babalekela, ngulowo lalowo ethenteni lakhe. Njalo kwaba lokubulawa okukhulu kakhulu, ngoba kwawa koIsrayeli abayizinkulungwane ezingamatshumi amathathu abahamba ngenyawo ^d. 11 Umtshokotsho kaNkulunkulu wasuthathwa ^e, lamadodana womabili kaEli, uHofini loPhinehasi, abulawa ^f.

Psalms 78:60-64

60 Ngakho walitshiya ^g ithabhanekele ^h leShilo ⁱ, ithente ^j alimisa phakathi kwabantu ^k. 61 Wasenikela amandla akhe ^l ekuthunjweni ^m, lenkazimulo yakhe esandleni sesitha. 62 Wasenikela abantu bakhe ⁿ enkembeni ^o, waselithukuthelela ilifa lakhe ^p. 63 Umlilo waqeda amajaha abo, lezintombi zabo kazihlatshelelwanga. 64 Abapristi babo bawa ngenkemba ^q, labafelokazi babo ^r kabalilanga ^s.