a2 Sam 8:2
b3:5
cHlu 3:20
d1:3,6,16; Mat 10:25, 12:24,27; Mark 3:22; Luka 11:15,18,19
eJosh 15:11
f8:8
g1 Kho 21:17
h1:3,6,16; Mat 10:25, 12:24,27; Mark 3:22; Luka 11:15,18,19
iJosh 15:11
j1:3,6,16; Mat 10:25, 12:24,27; Mark 3:22; Luka 11:15,18,19
kJosh 15:11
lGen 37:19; Gen 25:25, 27:11; Isa 20:2; Zek 13:4; Mat 3:4; Mark 1:6
m1 Kho 21:17
nHlu 13:6
oLuka 9:54
pJobe 1:16
q1:14; 1 Sam 26:21; Hlab 72:14; 1 Sam 18:30
r1:3,6,16; Mat 10:25, 12:24,27; Mark 3:22; Luka 11:15,18,19
sJosh 15:11

‏ 2 Kings 1

Ukufa kukaAhaziya

1UMowabi wasevukela a uIsrayeli emva kokufa kukaAhabi b. 2UAhaziya wasesiwa eminxibeni yewindi ekamelweni lakhe eliphezulu eliseSamariya, wagula c. Wathuma izithunywa, wathi kuzo: Hambani liyebuza kuBhali-Zebhubi d unkulunkulu weEkhironi e ukuthi ngizasila yini emkhuhlaneni lo f. 3Kodwa ingilosi yeNkosi yathi kuElija umTishibi g: Sukuma, wenyuke ukuhlangabeza izithunywa zenkosi yeSamariya, uthi kizo: Kungenxa yokuthi kakulaNkulunkulu yini koIsrayeli ukuthi lihambe liyebuza kuBhali-Zebhubi h unkulunkulu weEkhironi i? 4Ngakho-ke itsho njalo iNkosi: Umbheda owenyukele kuwo kawuyikwehla kuwo, ngoba uzakufa lokufa. UElija wasehamba.

5Lapho izithunywa sezibuyele kuyo, wathi kuzo: Kungani selibuyile? 6Zasezisithi kuyo: Umuntu wenyukile ukusihlangabeza, wathi kithi: Hambani libuyele enkosini elithumileyo, lithi kuyo: Itsho njalo iNkosi: Kungenxa yokuthi kakulaNkulunkulu koIsrayeli yini ukuthi uthumele ukubuza kuBhali-Zebhubi j unkulunkulu weEkhironi k? Ngakho umbheda owenyukele kuwo kawuyikwehla kuwo, ngoba sibili uzakufa. 7Yasisithi kuzo: Besinjani isimo salowomuntu owenyukele ukulihlangabeza, wakhuluma kini lamazwi? 8Basebesithi kuyo: Ubeyindoda eloboya, ebophe ngozwezwe lwesikhumba ekhalweni lwayo l. Yasisithi: NguElija umTishibi m.

9Inkosi yasithuma kuye induna yabangamatshumi amahlanu labangamatshumi amahlanu bayo. Yasisenyukela kuye; khangela-ke, wayehlezi engqongeni yentaba; yathi kuye: Muntu kaNkulunkulu, inkosi ithe: Yehla n. 10UElija wasephendula wathi enduneni yabangamatshumi amahlanu: Uba-ke ngingumuntu kaNkulunkulu, kakwehle umlilo ovela emazulwini uqothule wena labangamatshumi amahlanu bakho. Wasusehla umlilo uvela emazulwini, wayiqothula yona labangamatshumi amahlanu bayo o.

11Yasibuya ithuma kuye enye induna yabangamatshumi amahlanu labangamatshumi amahlanu bayo. Yasiphendula yathi kuye: Muntu kaNkulunkulu, itsho njalo inkosi: Yehla masinyane. 12UElija wasephendula wathi kubo: Uba ngingumuntu kaNkulunkulu, kakwehle umlilo ovela emazulwini uqothule wena labangamatshumi amahlanu bakho. Wasusehla umlilo kaNkulunkulu uvela emazulwini, wayiqothula yona labangamatshumi amahlanu bayo p.

13Yasithuma futhi induna yabangamatshumi amahlanu besithathu labangamatshumi amahlanu bayo. Leyonduna yesithathu yabangamatshumi amahlanu yasisenyuka yeza yawa ngamadolo ayo phambi kukaElija, yamncenga yathi kuye: Muntu kaNkulunkulu, ake ibe ligugu impilo yami lempilo yalezi inceku zakho ezingamatshumi amahlanu emehlweni akho q. 14Khangela, wehla umlilo uvela emazulwini, waqothula induna ezimbili zabangamatshumi amahlanu zokuqala labangamatshumi amahlanu azo; ngakho-ke kayibe ligugu impilo yami emehlweni akho. 15Ingilosi yeNkosi yasisithi kuElija: Yehla laye, ungamesabi. Wasesukuma, wehla laye waya enkosini; 16wathi kuyo: Itsho njalo iNkosi: Ngenxa yokuthi uthume izithunywa ukuyabuza kuBhali-Zebhubi r, unkulunkulu weEkhironi s, kungenxa yokuthi kakulaNkulunkulu koIsrayeli yini, ukubuza ilizwi lakhe? Ngakho-ke umbheda owenyukele kuwo kawuyikwehla kuwo, ngoba uzakufa lokufa.

17Wasesifa njengokwelizwi leNkosi uElija ayelikhulumile. UJehoramu wasesiba yinkosi esikhundleni sakhe, ngomnyaka wesibili kaJoramu indodana kaJehoshafathi inkosi yakoJuda, ngoba wayengelandodana.

18Ezinye-ke zezindaba zikaAhaziya, azenzayo, kazibhalwanga yini egwalweni lwemilando yamakhosi akoIsrayeli?

Copyright information for Ndebele