2Pe 1 | Ndebele | STEP | USimoni Petro, inceku lomphostoli kaJesu Kristu , kulabo abazuze ukholo oluligugu njengathi ngokulunga kukaNkulunkulu wethu loMsindisi wethu uJesu Kristu :

‏ 2 Peter 1

Isibingelelo

1 USimoni Petro, inceku lomphostoli kaJesu Kristu ^a, kulabo abazuze ukholo oluligugu ^b njengathi ngokulunga kukaNkulunkulu wethu loMsindisi wethu uJesu Kristu ^c: 2 Kakwandiswe kini umusa lokuthula ^d elwazini lukaNkulunkulu lolukaJesu iNkosi yethu ^e.

Abakholwayo bafanele ukuzithinta ngoba baphiwe okunengi nguNkulunkulu

3 Njengamandla akhe obuNkulunkulu asinike zonke izinto ezimayelana lempilo lokukhonza uNkulunkulu ^f, ngokolwazi ^{g
,} ^h lwalowo owasibiza ⁱ ngobukhosi ^j langobuhle ^k; 4 okungakho siphiwe izithembiso ezinkulu kakhulu leziligugu, ukuze ngalezi libe ngabahlanganyeli bemvelo yobuNkulunkulu ^l, seliphephe ^m ekuboleni okusemhlabeni ngenxa yenkanuko ⁿ. 5 Njalo ngenxa yalokhu-ke selenze yonke inkuthalo, yengezelelani ukulunga ekholweni lwenu ^o, lekulungeni ulwazi ^p, 6 lelwazini ukuzithiba ^q, lekuzithibeni ukubekezela ^r, lekubekezeleni ukwesaba uNkulunkulu ^s, 7 lekwesabeni uNkulunkulu ^t uthando lwabazalwane ^u, lethandweni lwabazalwane ^v uthando ^w. 8 Ngoba uba lezizinto zikhona kini, njalo zisanda, kaziyikulenza livilaphe njalo lingabi lezithelo ^x elwazini lweNkosi yethu uJesu Kristu ^y; 9 ngoba ongelazo lezizinto, uyisiphofu ^z ubonela eduze, esekhohlwe ukuthi wahlanjululwa ezonweni zakhe ezindala ^aa. 10 Ngakho, bazalwane, tshisekelani kakhulu ukuqinisa ^ab ubizo lokhetho lwenu ^ac; ngoba uba lisenza lezizinto, kalisoze likhubeke loba nini ^ad. 11 Ngoba ngokunjalo lizakwengezelelwa ngokukhulu ^ae ukungena embusweni ophakade weNkosi yethu loMsindisi uJesu Kristu ^af.

Ubufakazi bukaPetro lobabaprofethi

12 Ngakho kangisoze ngiyekele ukulikhumbuza njalonjalo ngalezizinto ^ag, lanxa lisazi ^ah, njalo liqinisiwe eqinisweni elikhona ^ai. 13 Njalo ngibona kulungile ukuthi, nxa ngisesekhona kulelithabhanekele ^aj, ngilivuse ^ak ngesikhumbuzo ^{al
,} ^am; 14 ngisazi ukuthi kuyaphangisa ^an ukususwa ^ao kwethabhanekele lami ^ap, njengalokhu leNkosi yethu uJesu Kristu ingitshengisile ^aq. 15 Kodwa lami ngizakhuthala ukuthi ngezikhathi zonke emva kokusuka kwami libe lesikhumbuzo salezizinto ^ar.

16 Ngoba sasingalandeli izinganekwane zobuqili ^{as
,} ^at, lapho silazisa amandla ^au lokuza kweNkosi yethu uJesu Kristu ^av, kodwa sasingabazibonelayo ^{aw
,} ^ax ubukhulu bayo ^ay. 17 Ngoba wemukela udumo lobukhosi ^az okuvela kuNkulunkulu uBaba, lapho ilizwi elinje lafikiswa kuye ngenkazimulo yobukhosi lisithi: Le yiNdodana yami ethandekayo mina engithokoza kuyo ^ba; 18 lalelilizwi thina salizwa ^bb livela ezulwini, lapho sasilaye entabeni engcwele ^bc. 19 Njalo silelizwi eliqinileyo kakhulu lesiprofetho, elenza kuhle ukuliqaphelisa ^bd njengesibane esikhanyayo endaweni emnyama ^be, luze lukhanye usuku, lekhwezi ^bf liphumele enhliziyweni zenu ^bg; 20 lisazi lokhu kuqala, ukuthi kasikho isiprofetho sombhalo ^bh esivela kungcazelo engeyakhe ^bi. 21 Ngoba kakuzanga kulethwe ^{▼▼ kakuzanga kulethwe: kumbe, kakulethwanga mandulo.} isiprofetho ngentando yomuntu ^bk, kodwa abantu abangcwele bakaNkulunkulu bakhuluma beqhutshwa nguMoya oNgcwele ^bl.