Act 21 | Ndebele | STEP | Kwasekusithi sisuka ngomkhumbi sesehlukene labo, sahamba ngendlela eqondileyo safika eKosi, lango suku olulandelayo eRodesi, sasuka lapho saya ePathara;

1 Kwasekusithi sisuka ngomkhumbi sesehlukene labo, sahamba ngendlela eqondileyo ^a safika eKosi, langosuku olulandelayo eRodesi, sasuka lapho saya ePathara; 2 sasesithola umkhumbi ochaphela eFenekiya ^b, sangena sahamba ngomkhumbi. 3 Kwathi sesiqhamuka eKuprosi ^c, sasesiyitshiyela ngakwesokhohlo, saya ngomkhumbi eSiriya ^d, sehlikela eTire ^e; ngoba umkhumbi wawuzakwethulela khona impahla ^f. 4 Sesibatholile abafundi ^g, sahlala khona insuku eziyisikhombisa; bona bamtshela uPawuli ngoMoya ^h, ukuthi angenyukeli eJerusalema ⁱ. 5 Kwathi sekwenzakele ukuthi siqede insuku, sasuka sahamba, bonke basiphelekezela kanye labomkabo labantwana kwaze kwaba ngaphandle komuzi ^j; njalo saguqa ngamadolo ekhunjini sakhuleka ^k, 6 sesivalelisene, sangena emkhunjini ^l, kodwa bona babuyela kubo ^m.

7 Kodwa thina, sesiqedile uhambo ngomkhumbi sisuka eTire ⁿ, safika ePetolemayi ^o, sesibingelele abazalwane ^p sahlala labo usuku lwaba lunye. 8 Kusisa thina esasiloPawuli sasuka ^q safika eKesariya ^r; sesingene endlini kaFiliphu ^s umvangeli ^t, owayengomunye wabayisikhombisa ^u, sahlala laye. 9 Yena-ke wayelamadodakazi amane, intombi, eziprofethayo ^v. 10 Kwathi sesihlezi insuku ezinengi, kwehla umprofethi othile ^w uAgabusi ngebizo evela eJudiya ^x, 11 wasefika kithi, wathatha uzwezwe lukaPawuli ^y, wazibopha izandla kanye lenyawo esithi: Utsho lokho uMoya oyiNgcwele ^z: Indoda olungolwayo loluzwezwe, amaJuda eJerusalema azayibopha kanje, njalo ayinikele ezandleni zabezizwe. 12 Sesizizwile lezizinto, samncenga thina kanye lalabo ababelapho, ukuthi angenyukeli eJerusalema ^aa. 13 Kodwa uPawuli waphendula esithi: Lenzani likhala lidabula inhliziyo yami? Ngoba mina sengilungele, kungeyisikho ukubotshwa kuphela, kodwa lokufa eJerusalema ngenxa yebizo leNkosi uJesu ^ab. 14 Kwathi engancengeki, sathula sathi: Kayenziwe intando yeNkosi ^ac.

UPawuli eJerusalema

15 Emva kwalezinsuku sasesilungiselela ^ad, senyukela eJerusalema ^ae. 16 Labathile babafundi ^af beKesariya ^ag basebehamba lathi, babuya lothile uMnasoni umKuprosi ^ah, umfundi omdala ^ai, ebesizangenisa kuye. 17 Njalo sesifikile eJerusalema, abazalwane ^aj basemukela ngokuthokoza ^ak.

18 Kusisa uPawuli wangena lathi kuJakobe ^al, labadala bonke babekhona ^am. 19 Kwathi esebabingelele, walandisa ngakunye ngakunye ^an izinto uNkulunkulu azenzileyo phakathi kwabezizwe ngenkonzo yakhe ^ao. 20 Kwathi sebekuzwile, bayidumisa iNkosi ^ap; bathi kuye: Uyabona, mzalwane, ukuthi zinengi kangakanani izigidi zamaJuda akholwayo; futhi bonke batshisekela umlayo ^aq; 21 njalo sebetsheliwe ngawe ^ar, ukuthi ufundisa wonke amaJuda aphakathi kwabezizwe ukuthi adele uMozisi, usithi angasoki abantwana, lokuthi angahambi ngamasiko ^as. 22 Pho-ke kuyini? Isibili kufanele ukuthi ixuku libuthane; ngoba bazakuzwa ukuthi usufikile. 23 Ngakho yenza lokhu esikutsho kuwe; silamadoda amane abalesifungo phezu kwawo ^at; 24 athathe kanye lawe, uzihlambulule kanye lawo ^au, njalo uhlawule indleko zawo, ukuze aphuce amakhanda ^av, njalo ukuze bakwazi bonke ukuthi kakulalutho kulokho abakutshelwe ngawe, kodwa ukuthi lawe uhamba ngokulondoloza umlayo ^aw. 25 Kodwa mayelana labezizwe abakholwayo thina sesibhalile, saquma sathi bangagcini lutho olunjalo, ngaphandle kokuthi kabazile okuhlatshelwe izithombe, legazi, lokukhanyiweyo, lokufeba ^ax. 26 UPawuli wasewathatha amadoda, kusisa wahlanjululwa kanye lawo ^ay wangena ethempelini ^az, ukubika ukuphela kwensuku zokuhlanjululwa, kwaze kwalethwa umnikelo walowo lalowo ^ba wawo.

AmaJuda avusa umsindo; uPawuli uyabotshwa

27 Kwathi sezizaphela insuku eziyisikhombisa ^bb, amaJuda ^bc avela eAsiya ^bd ayembonile ethempelini ^{be
,} ^bf, avusa ixuku lonke ^bg, amdumela ngezandla ^bh, 28 amemeza athi: Madoda maIsrayeli, sizani! Nguye lumuntu ofundisa bonke endaweni zonke okuphambene lesizwe, lomlayo ^bi, lalindawo; futhi ungenisile lamaGriki ethempelini, useyingcolisile lindawo engcwele ^bj. 29 Ngoba ayebonile ngaphambili uTrofimu ^bk umEfesu ^bl emzini elaye, amkhumbulela ukuthi uPawuli umngenisile ethempelini. 30 Lomuzi wonke wanyakazela, labantu bagijimela ndawonye, bamdumela uPawuli ^bm bamhudulela ngaphandle kwethempeli; leminyango yahle yavalwa. 31 Kuthe besafuna ukumbulala, ilizwi lafika enduneni enkulu ^bn yesigaba ^bo, ukuthi iJerusalema yonke iyaphithizela ^bp; 32 eyahle yathatha amabutho lezinduna zekhulu, yagijimela kubo ^bq; kwathi sebebona induna enkulu lamabutho, bayekela ukumtshaya uPawuli ^br. 33 Induna enkulu yasisondela ^bs, yambamba, yalaya ukuthi kabotshwe ^bt ngamaketane amabili ^bu, yabuza ukuthi ungubani, lokuthi wenzeni. 34 Abanye exukwini bememeza okunye labanye okunye; kodwa ingelakulazi iqiniso ngenxa yomsindo, yalaya ukuthi asiwe enkambeni yamabutho ^bv. 35 Kwathi esefikile ezikhwelweni ^bw, kwenzeka ukuthi athwalwe ngamabutho ngenxa yokufutheka kwexuku; 36 ngoba ixuku labantu lalandela limemeza lisithi: Msuseni ^bx!

37 Kwathi uPawuli esezangeniswa enkambeni yamabutho ^by wathi enduneni enkulu ^bz: Kuvunyelwe yini ukuthi ngikhulume ulutho kuwe? Yona yasisithi: Uyasazi isiGriki yini? 38 Kanti kawusuye yini lowomGibhithe ^ca okwathi kungakafiki lezinsuku wenza umvukela ^cb, wakhokhelela enkangala amadoda azinkulungwane ezine angababulali ^cc? 39 Kodwa uPawuli wathi: Mina ngingumuntu ongumJuda, weTarsu ^cd yeKilikhiya, isakhamuzi somuzi ongadelelekanga; ngiyakuncenga, ngivumela ngikhulume ebantwini. 40 Kwathi esemvumele, uPawuli wema ezikhwelweni ^ce waqhweba abantu ngesandla ^cf; sekuthe cwaka, wasekhuluma labo ngolimi lwamaHebheru wathi ^cg: