Act 24 | Ndebele | STEP | Kwathi emva kwensuku ezinhlanu uAnaniya umpristi omkhulu wehla labadala lomkhulumeli othile uTertulo , abamangalela uPawuli kumbusi .

1 Kwathi emva kwensuku ezinhlanu ^a uAnaniya ^b umpristi omkhulu wehla labadala lomkhulumeli othile uTertulo ^c, abamangalela uPawuli kumbusi ^d. 2 Kwathi esebiziwe, uTertulo waqala ukumcala esithi: Ukuthula okukhulu sikuzuzile ngawe, lemisebenzi emihle yenzakele kulesisizwe ngokunakekela kwakho, 3 ngazo zonke indlela lakuzo zonke indawo siyakwemukela ^e, mhlekazi Felike ^f, ngakho konke ukubonga. 4 Kodwa ukuze ngingakubambeleli kakhulu, ngiyakuncenga ukuthi ngomusa wakho ^g usizwe ngokufitshane. 5 Ngoba lindoda siyifice iyinkathazo, njalo ingeyenza umvukela phakathi kwamaJuda wonke ^h emhlabeni jikelele ⁱ, lomkhokheliqembu wobubhazuka bamaNazaretha ^j; 6 eyake yazama lokungcolisa ithempeli ^k; esike sayibamba sithanda ukuyehlulela ngokomlayo wethu ^l, 7 kodwa kwafika uLisiya induna enkulu wamthatha ngodlakela olukhulu ezandleni zethu ^m, 8 elaya abamangaleli bakhe ukuthi beze kuwe ⁿ; ongathi, ngokumbuzisisa wena uqobo, ungaba lakho ukwazi kuye ngazo zonke izinto thina esimmangalela ngazo. 9 LamaJuda lawo avuma, esithi lezizinto zinjalo ^o.

10 UPawuli wasephendula, umbusi esemqhwebile ukuthi akhulume ^p, wathi: Ngoba ngiyazi ukuthi sekuyiminyaka eminengi ungumahluleli phezu kwalesisizwe, ngiyaziphendulela ngesibindi esikhulu ngezinto zami ^q, 11 njengoba ungakubona ukuthi kakukadluli insuku ezilitshumi lambili ^r, lokhu ngenyukele eJerusalema ^s ukukhuleka ^t; 12 njalo kabangificanga ethempelini ^u ngiphikisana lomuntu loba ngivusa isiphithiphithi exukwini, loba emasinagogeni, loba emzini. 13 Futhi bangeke baqinise ngezinto abangimangalela ngazo khathesi ^v. 14 Kodwa ngiyavuma kuwe lokhu, ukuthi ngendlela abayibiza ngokuthi ^w yibubhazuka ^x, ngokunjalo ngiyamkhonza uNkulunkulu wabobaba ^y, ngikholwa konke okulotshiweyo emlayweni lakubaprofethi ^z; 15 ngilethemba kuNkulunkulu ^aa, abalilindeleyo labo uqobo lwabo, elokuthi kuzakuba khona ukuvuka kwabafileyo ^ab, okwabalungileyo kanye labangalunganga ^ac. 16 Njalo kulokho mina ngiyazama, ukuthi ngibe lesazela ^ad esingelacala phambi kukaNkulunkulu labantu isikhathi sonke ^ae. 17 Kwathi emva ^af kweminyaka eminengi ngafika ^ag ukuletha izipho zomusa esizweni sakithi leminikelo ^ah; 18 ngikulezizinto ^ai amaJuda athile ^aj avela eAsiya angifica ethempelini ngihlanjululwe, kungekho ixuku loba isiphithiphithi ^ak; 19 afanele ukuba khona lapha phambi kwakho angicale uba elolutho ngami ^al; 20 kumbe bona ngokwabo kabatsho, ukuthi baficani okungalunganga kimi, mhla ngimi phambi komphakathi ^am, 21 ngaphandle kwalelolizwi elilodwa, engalimemeza ngimi phakathi kwabo ngisithi: Ngokuvuka kwabafileyo mina ngiyehlulelwa yini lamuhla ^an.

22 Kwathi uFelike wabadlulisela phambili, esezwile lezizinto esazi ngokupheleleyo ^ao izinto ngaleyondlela ^ap, esithi: Nxa uLisiya induna enkulu isiyehlile ^aq, ngizayihlolisisa indaba yenu ^ar; 23 waselaya induna yekhulu ukuthi agcinwe uPawuli, lokuthi abe lenkululeko ^as, njalo kungalelwa muntu wakibo ukumncedisa kumbe ukuza kuye ^at.

UPawuli utshumayela kuFelike ngoKristu

24 Kwathi emva kwensuku ezithile, uFelike weza loDrusila umkakhe engumJudakazi, wathumela ukubiza uPawuli, wamuzwa mayelana lokholo kuKristu. 25 Kwathi esakhuluma ngokulunga langokuzithiba ^au langokwahlulela okuzayo ^av, uFelike watshaywa luvalo waphendula wathi: Hamba okwakhathesi; nxa sengizuze ithuba elihle ngizakubizela kimi ^aw; 26 njalo ngesikhathi esifananayo wayethemba futhi ukuthi uzanikwa imali nguPawuli, ukuze amkhulule ^ax; ngakho wayehlezi embizela kuye ekhuluma laye. 27 Kodwa sekugcwaliseke iminyaka emibili, uFelike wemukela omlandelayo uPorkiyu uFestusi; uFelike efisa ukuthokozisa amaJuda wamtshiya uPawuli ebotshiwe ^ay.