Act 26 | Ndebele | STEP | UAgripha wasesithi kuPawuli: Uvunyelwe ukuzikhulumela. UPawuli waseselula isandla, waziphendulela wathi :

1 UAgripha wasesithi kuPawuli: Uvunyelwe ukuzikhulumela. UPawuli waseselula isandla, waziphendulela wathi ^a: 2 Kukho konke engimangalelwa ngakho ngamaJuda ^b, nkosi Agripha, ngizizwa ngithokoza ukuthi sengingaziphendulela phambi kwakho lamuhla ^c; 3 ikakhulu ngikwazi uyisazi sawo wonke amasiko lokuphikisana phakathi kwamaJuda ^d; ngakho ngiyakuncenga, ukuthi ungizwe ngesineke. 4 Ngakho ukuhamba kwami konke kusukela ebutsheni, okwakuqala esizweni sakithi eJerusalema, wonke amaJuda ayakwazi, 5 ayangazi phambili kusukela ekuqaleni ^e, uba bethanda ukufakaza ^f, ukuthi ngendlela eqinileyo ^g yehlelo lokukhonza kwakithi ^h ngaphila ngingumFarisi ⁱ. 6 Lakhathesi ngimi ngithonisiswa ngenxa yethemba ^j lesithembiso esenziwa nguNkulunkulu kubobaba ^k, 7 ezithemba ukufinyelela kuso izizwe zakithi ezilitshumi lambili ^l, zikhonza ^m ngesineke ebusuku lemini ⁿ; engimangalelwe ngalelithemba ^o, nkosi Agripha, ngamaJuda ^p. 8 Kungani kukhunjulwa ukuthi kuyinto engakholekiyo kini, nxa uNkulunkulu evusa abafileyo? 9 Ngakho lami ngokwami ngangicabanga ukuthi ngangifanele ukwenza izinto ezinengi eziphambene lebizo likaJesu weNazaretha ^q; 10 lami engakwenza eJerusalema ^r, njalo mina ngavalela abanengi kwabangcwele entolongweni ^s, sengemukele amandla avela kubapristi abakhulu ^t; lalapho bebulawa ngakukhetha ^u ngimelene labo. 11 Lemasinagogeni wonke ngabajezisa kanengi, ngababamba ngamandla ukuthi bahlambaze ^v; njalo ngahlanya kakhulu ngabo ^w, ngabazingela baze bafika emizini yabezizwe. 12 Okungazo ^x lami ngisiya eDamaseko ngamandla langokuthunywa ngabapristi abakhulu, 13 emini enkulu, nkosi, ngabona endleleni ukukhanya kuvela ezulwini, kudlula ukukhanya kwelanga, kwakhanya kwangizingelezela lalabo ababehamba lami ^y. 14 Kwathi sonke sesiwele phansi emhlabathini, ngezwa ilizwi likhuluma lami lisithi ngolimi lwesiHebheru: Sawuli, Sawuli, ungizingelelani? Kulukhuni kuwe ukukhahlelana lezincijo ^z. 15 Mina ngasengisithi: Ungubani, Nkosi? Wasesithi: Mina nginguJesu omzingelayo. 16 Kodwa sukuma, njalo ume ngenyawo zakho; ngoba ngibonakelele lokho kuwe, ukuthi ngikumise ^aa ube yisikhonzi ^ab lomfakazi wezinto ozibonileyo, kanye lengizazibonakalisa ngazo kuwe ^ac, 17 ngikophula ebantwini lakwabezizwe, engikuthuma kubo khathesi ^ad, 18 ukuvula amehlo abo ^ae, lokubaphendula emnyameni baye ekukhanyeni ^af, lemandleni kaSathane baye kuNkulunkulu ^ag, ukuze bemukeliswe uthethelelo lwezono ^ah, lelifa phakathi kwabangcwelisiweyo ngokholo olukimi ^ai. 19 Ngakho, nkosi Agripha, kangalanga ukulalela umbono wezulwini; 20 kodwa ngatshumayela kuqala kwabaseDamaseko ^aj labeJerusalema ^ak, lakulo lonke ilizwe leJudiya ^al, lakwabezizwe, ukuze baphenduke ^am, babuyele kuNkulunkulu ^an, benze imisebenzi efanele ukuphenduka ^ao. 21 Ngenxa yalezizinto amaJuda angibamba ethempelini, azama ukungibulala ^ap. 22 Ngakho ngizuzile usizo oluvela kuNkulunkulu, kuze kube lamuhla ngimi ngifakaza kubo bonke abancinyane labakhulu ^aq, ngingakhulumi lutho ngaphandle kwalezozinto abazikhulumayo abaprofethi ^ar loMozisi ^as ukuthi zizakwenzeka, 23 ukuthi uKristu umele ukuhlupheka ^at, lokuthi engowokuqala ekuvukeni kwabafileyo ^au uzatshumayela ukukhanya kulababantu lakwabezizwe ^av.

24 Kwathi esaziphendulela lezizinto ^aw, uFestusi wathi ngelizwi elikhulu: Uyahlanya, Pawuli ^ax; ukufunda okunengi kuyakuhlanyisa ^ay. 25 Kodwa wathi: Kangihlanyi ^{az
,} ^ba, mhlekazi Festusi ^bb, kodwa ngimemezela amazwi aliqiniso laqondileyo ^bc. 26 Ngoba inkosi iyazi ngalezizinto, engikhuluma ngesibindi lakuyo ^bd; ngoba ngiqinisekile ukuthi akukho okunye kwalezizinto okufihlakeleyo kuyo; ngoba lokhu kakwenziwanga engonsini. 27 Nkosi Agripha, uyakholwa abaprofethi yini? Ngiyazi ukuthi uyakholwa. 28 UAgripha wasesithi kuPawuli: Usuphose wangiqinisekisa ukuthi ngibe ngumKristu ^be. 29 UPawuli wasesithi: Bengingafisa kuNkulunkulu ukuthi, loba ngokulutshwana loba ngokunengi kungabi nguwe wedwa, kodwa labo bonke abangizwayo lamuhla, babe ngabanje njengoba nginjalo lami, ngaphandle kwalezizibopho ^bf. 30 Kwathi esekhulume lezizinto, yasukuma inkosi, lombusi ^bg, loBernike ^bh, lalabo ababehlezi labo ^bi; 31 kwathi sebephumile bakhulumisana, besithi: Lumuntu kenzi lutho olufanele ukufa kumbe ukubotshwa ^bj. 32 UAgripha wasesithi kuFestusi: Lumuntu ubengakhululwa ^bk, uba ebengalidluliselanga kuKesari ^bl.