Deu 8:14, 31:20, 32:15, Neh 9:25-26, Pro 30:22 | Ndebele | STEP | inhliziyo yakho ibisiziphakamisa , ubusukhohlwa iN kosi uNkulunkulu wakho eyakukhupha elizweni leGibhithe, endlini yobugqili ,

Deuteronomy 8:14

14 inhliziyo yakho ibisiziphakamisa ^a, ubusukhohlwa iNkosi uNkulunkulu wakho eyakukhupha elizweni leGibhithe, endlini yobugqili ^b,

Deuteronomy 31:20

20 Lapho sengibangenisile elizweni engalifungela oyise, eligeleza uchago loluju, sebedlile basutha ^c, bazimuka ^d, bazaphendukela kwabanye onkulunkulu, babakhonze ^e, bangidelele ^f, bephule isivumelwano sami ^g.

Deuteronomy 32:15

15 Kodwa uJeshuruni wazimuka ^h wakhaba ⁱ. Usuzimukile, wakhuluphala, wembeswa ngamahwahwa ^j. Yena wadela uNkulunkulu ^k owamenzayo ^l, wadelela iDwala losindiso lwakhe ^m.

Nehemiah 9:25-26

25 Basebethumba imizi ebiyelweyo, lelizwe elivundileyo ⁿ, badla ilifa lezindlu ezigcwele konke okuhle, imithombo egejiweyo, izivini, lezivande zemihlwathi, lezihlahla zezithelo ngobunengi ^o. Badla-ke basutha, bazimuka ^p, bazithokozisa ngokuhle kwakho okukhulu ^q. 26 Kube kanti kabalalelanga, bakuvukela wena ^r, bawuphosela umlayo wakho emva komhlana wabo ^s, babulala abaprofethi bakho abafakaza bemelene labo ukubaphendulela kuwe ^t, benza ukuhlambaza okukhulu ^u.

Proverbs 30:22

22 Ngenxa yesigqili nxa sibusa ^v, lesithutha nxa sisuthi ukudla ^w,