Exo 13:2, 12-13, Lev 27:26-27, Num 18:15-16 | Ndebele | STEP | Ngingcwelisela lonke izibulo, elivula loba yisiphi isizalo phakathi kwabantwana bakoIsrayeli, elomuntu lelenyamazana, lingelami .

a13:12,13,15, 34:19; Nani 8:16, 18:15,17, 22:29,30; Levi 27:26; Nani 3:13, 8:16,17; Dute 15:19; Hez 44:30; Luka 2:23

Exodus 13:2

2 Ngingcwelisela lonke izibulo, elivula loba yisiphi isizalo phakathi kwabantwana bakoIsrayeli, elomuntu lelenyamazana, lingelami ^a.

Exodus 13:12-13

12 uzakwehlukanisela iNkosi konke okuvula isizalo; lalo lonke izibulo lomqegu wezifuyo olazo, amaduna azakuba ngaweNkosi ^b. 13 Lalo lonke izibulo likababhemi uzalihlenga ngewundlu ^c; kodwa uba ungalihlengi, uzalephula intamo; lalo lonke izibulo lomuntu phakathi kwamadodana akho uzalihlenga ^d.

Leviticus 27:26-27

26 Kodwa izibulo, elizelwe njengengqabutho eNkosini elenyamazana, kakho ozalingcwelisa; loba inkabi loba imvu, ngeleNkosi ^e. 27 Kodwa uba lingelenyamazana engcolileyo, uzalihlenga ngokwesilinganiso sakho, engezelele phezu kwalo ingxenye yesihlanu yalo; kodwa uba lingahlengwanga, lizathengiswa ngokwesilinganiso sakho ^f.

Numbers 18:15-16

15 Konke okuvula isizalo, kwayo yonke inyama abakuletha eNkosini, phakathi kwabantu laphakathi kwezifuyo, kuzakuba ngokwakho ^g; kodwa izibulo lomuntu uzalihlenga lokulihlenga, lezibulo lenyamazana engcolileyo uzalihlenga ^h. 16 Lalezo ezizahlengwa uzazihlenga kusukela sezilenyanga, njengesilinganiso sakho ⁱ, ngemali yamashekeli* amahlanu, ngokweshekeli lendlu engcwele ^j, elingamagera* angamatshumi amabili ^k.