Exo 16:36, Lev 5:11, 6:20, Num 5:15, 28:5, Judg 6:19, Rut 2:17, 1Sa 1:24, 17:17, Eze 45:12-13, 24, 46:5, 7, 11, 14, Zec 5:6-10 | Ndebele | STEP

11 Kodwa uba isandla sawo singafinyeleli emajubeni amabili loba emaphuphini enkwilimba amabili, lowo owonileyo angaletha umnikelo wakhe okwetshumi kwe-efa* yempuphu ecolekileyo ube ngumnikelo wesono; angabeki mafutha phezu kwayo, angabeki nhlaka phezu kwayo, ngoba ingumnikelo wesono ^b.

‏ Leviticus 6:20

20 Lo ngumnikelo kaAroni lamadodana akhe ^c abazawunikela eNkosini ngosuku lokugcotshwa kwakhe; okwetshumi kwe-efa* lempuphu ecolekileyo ^d kube ngumnikelo wokudla njalonjalo, ingxenye yayo ekuseni lengxenye yayo kusihlwa.

‏ Numbers 5:15

15 indoda izaletha umkayo kumpristi, imlethele umnikelo wakhe, okwetshumi kwe-efa* lempuphu yebhali*; kayiyikuthela amafutha kuyo, ingabeki inhlaka phezu kwayo, ngoba kungumnikelo wokudla wobukhwele, umnikelo wokudla wesikhumbuzo ^e, ukukhumbuza ububi ^f.

‏ Numbers 28:5

5 lokwetshumi kwe-efa* lempuphu ecolekileyo ^g kube ngumnikelo wokudla ^h, kuxubene lengxenye yesine yehini* yamafutha agigiweyo ⁱ.

‏ Judges 6:19

19 UGidiyoni wasengena ^j, walungisa izinyane lembuzi, lezinkwa ezingelamvubelo nge-efa* lempuphu, inyama wayifaka esitsheni, lomhluzi wawufaka embizeni, wakukhuphela kuyo ngaphansi kwesihlahla se-okhi, wakusondeza.

‏ Ruth 2:17

17 Wakhothoza-ke ensimini kwaze kwahlwa. Wabhula lokho ayekukhothozile, kwaba phose yi-efa ^k yebhali*.

‏ 1 Samuel 1:24

24 Wasesenyuka layo eseyilumule, elamajongosi amathathu, le-efa* elilodwa lempuphu, lembodlela yewayini ^l, wayiletha endlini yeNkosi eShilo ^m; lomfana wayemncinyane.

‏ 1 Samuel 17:17

17 UJese wasesithi kuDavida indodana yakhe: Ake uthathele abafowenu i-efa* lamabele akhanzingiweyo, lalezizinkwa ezilitshumi, ugijimele enkambeni kubafowenu.

‏ Ezekiel 45:12-13

12 Leshekeli* lizakuba ngamagera* angamatshumi amabili ⁿ; amashekeli angamatshumi amabili, amashekeli angamatshumi amabili lanhlanu, lamashekeli alitshumi lanhlanu, azakuba yimane* ^o kini.

Mayelana leminikelo lemikhosi

13 Lokhu kungumnikelo elizawunikela ^p: Ingxenye eyodwa kweziyisithupha ye-efa ^q yehomeri yengqoloyi ^r, futhi lizakupha ingxenye eyodwa kweziyisithupha ye-efa* yehomeri yebhali ^s.

‏ Ezekiel 45:24

24 Uzalungisa-ke umnikelo wokudla ^{t
,} ^u, i-efa ngejongosi ^v, le-efa ngenqama, lehini yamafutha nge-efa ^w.

‏ Ezekiel 46:5

5 Lomnikelo wokudla ^{x
,} ^y uzakuba yi-efa* ngenqama ^z, lomnikelo wokudla ngamawundlu uzakuba yisipho sesandla saso, kanye lehini yamafutha nge-efa ^aa.

‏ Ezekiel 46:7

7 Njalo sizalungisa umnikelo wokudla ^ab, i-efa ngejongosi ^ac, le-efa ngenqama, langamawundlu njengalokho isandla saso singafinyelela kukho ^ad, lehini* lamafutha nge-efa ^ae.

‏ Ezekiel 46:11

11 Lemadilini ^af lemikhosini ^ag emisiweyo umnikelo wokudla uzakuba li-efa ngejongosi ^ah, le-efa ngenqama, lesipho sesandla sakhe ^ai ngamawundlu, lehini lamafutha nge-efa ^aj.

‏ Ezekiel 46:14

14 Futhi uzalilungisela umnikelo wokudla ngaleyo laleyo ikuseni, ingxenye yesithupha ye-efa ^ak, lengxenye yesithathu yehini yamafutha ^al, ukuthambisa impuphu ecolekileyo, kube ngumnikelo wokudla eNkosini, ngezimiso eziphakade njalonjalo.

‏ Zechariah 5:6-10

6 Ngasengisithi: Kuyini? Yasisithi: Lokhu kuyi-efa ephumayo ^am. Yathi futhi: Lesi yisimo sabo elizweni lonke ^an. 7 Khangela-ke, kwaphakanyiswa isisibekelo somnuso; njalo lo wayengowesifazana owayehlezi phakathi kwe-efa* ^ao. 8 Yasisithi: Lokhu kuyibubi; yasimphosa ngaphakathi kwe-efa; yasiphosa isisindo somnuso emlonyeni walo ^ap.

9 Ngasengiphakamisa amehlo ami, ngabona, khangela-ke, kwaphuma abesifazana ababili, lomoya wawusempikweni zabo; ngoba babelezimpiko ^aq njengezimpiko zengabuzane ^ar. Basebephakamisa i-efa phakathi komhlaba lamazulu. 10 Ngasengisithi kuyo ^as ingilosi eyayikhuluma lami: Balithwalela ngaphi i-efa ^at?