Exo 20:10, Neh 13:19, Jer 17:21-22, Mat 12:2, Mar 2:24, 3:4, Luk 6:2, 13:14 | Ndebele | STEP | kodwa usuku lwesikhombisa lulisabatha leN kosi uNkulunkulu wakho; ungenzi loba yiwuphi umsebenzi ngalo , wena lendodana yakho lendodakazi yakho, inceku yakho lencekukazi yakho lezifuyo zakho lowemzini wakho ophakathi kwamasango akho .

Exodus 20:10

10 kodwa usuku lwesikhombisa lulisabatha leNkosi uNkulunkulu wakho; ungenzi loba yiwuphi umsebenzi ngalo, wena lendodana yakho lendodakazi yakho, inceku yakho lencekukazi yakho lezifuyo zakho lowemzini wakho ophakathi kwamasango akho ^a.

Nehemiah 13:19

19 Kwasekusithi lapho amasango eJerusalema eseqala ukuba mnyama mandulo kwesabatha, ngalaya ukuthi iminyango kayivalwe, njalo ngalaya ukuthi bangayivuli kuze kube ngemva kwesabatha. Ngabeka ezinye zenceku zami emasangweni ukuze kungangeni mthwalo ngosuku lwesabatha ^b.

Jeremiah 17:21-22

21 Itsho njalo iNkosi: Ziqapheleni, lingathwali mthwalo ngosuku lwesabatha, ^c kumbe liwungenise ngamasango eJerusalema. 22 Futhi lingakhuphi umthwalo ezindlini zenu ngosuku lwesabatha, lingenzi loba yiwuphi umsebenzi; ^d kodwa lungcweliseni usuku lwesabatha, ^e njengalokhu ngalaya oyihlo. ^f

Matthew 12:2

2 Kodwa abaFarisi bekubona bathi kuye: Khangela, abafundi bakho benza okungavunyelwanga ukwenziwa ngesabatha ^g.

Mark 2:24

24 AbaFarisi basebesithi kuye: Khangela, kungani besenza lokho okungavunyelwayo ngesabatha?

Mark 3:4

4 Wathi kubo: Kuvunyelwe yini ngamasabatha ukwenza okulungileyo, kumbe ukwenza okubi? Ukusindisa impilo, kumbe ukubulala? Kodwa bathula.

Luke 6:2

2 Kodwa abathile babaFarisi bathi kubo: Lenzelani okungavunyelwa ukwenziwa ngensuku zesabatha ^h?

Luke 13:14

14 Kodwa umphathi wesinagoge ⁱ, ethukuthele ngoba uJesu esilise ngesabatha ^j, waphendula wathi exukwini: Zikhona insuku eziyisithupha okufanele ukusetshenzwa ngazo ^k; ngakho wozani ngazo lisiliswe, kodwa kungabi ngosuku lwesabatha ^l.