Exo 22:1, 4, 7, Lev 6:2, 4-5, Num 5:6-7, Luk 19:8 | Ndebele | STEP | Uba umuntu eseba inkabi loba imvu, ayihlabe kumbe ayithengise, uzahlawula inkabi ezinhlanu ngenkabi, lezimvu ezine ngemvu .

Exodus 22:1

1 Uba umuntu eseba inkabi loba imvu, ayihlabe kumbe ayithengise, uzahlawula inkabi ezinhlanu ngenkabi, lezimvu ezine ngemvu ^a.

Exodus 22:4

4 Uba okwebiweyo kuficwa lokuficwa esandleni salo kuphila ^b, loba inkabi loba ubabhemi kumbe imvu, lizabuyisela kuphindwe kabili ^c.

Exodus 22:7

7 Uba umuntu enika umakhelwane wakhe imali loba impahla ukuze akulondoloze, njalo kwebiwe endlini yalowomuntu, uba isela litholwa lizabuyisela kuphindwe kabili ^d.

Leviticus 6:2

2 Uba umphefumulo usona ^e, uphambeke isiphambeko eNkosini ukhohlise umakhelwane wawo ^f mayelana lalokho okunikelwa kuwo ukuthi ukulondoloze ^g, loba mayelana lesibambiso sesandla, loba ngokuphangiweyo, loba umcindezele umakhelwane wawo ^h,

Leviticus 6:4-5

4 kuzakuthi-ke ngoba onile elecala, uzabuyisela impango ayiphangileyo, loba lokho owakuzuza ngokucindezela, loba lokho okwanikelwa kuye ukuthi akulondoloze, loba lokho okwakulahlekile akutholileyo, 5 kumbe kukho konke afunge amanga ngakho; uzakubuyisa ngesiqokoqela sakho ⁱ, engezelele kukho ingxenye yesihlanu yakho, amnike lowo engeyakhe ngosuku lomnikelo wakhe wecala.

Numbers 5:6-7

6 Tshono ebantwaneni bakoIsrayeli uthi: Indoda kumbe umfazi, uba besenza loba yisiphi isono somuntu, ngokuphambeka isiphambeko eNkosini, lowomuntu ulecala ^j. 7 Njalo bazavuma isono sabo abasenzileyo ^k, abesehlawula icala lakhe ngokupheleleyo kwalo, engezelele phezu kwalo ingxenye yesihlanu yalo, anike lowo alecala kuye ^l.

Luke 19:8

8 Kodwa uZakewu wema wathi eNkosini: Khangela, ingxenye yempahla yami, Nkosi, ngiyipha abayanga; kuthi uba ngimthathele umuntu ^m ulutho ngobuqili ⁿ, ngilubuyisela luphindwe kane ^o.