Exo 24 | Ndebele | STEP | Yasisithi kuMozisi: Yenyukela eN kosi ni, wena loAroni, uNadabi loAbihu , labangamatshumi ayisikhombisa kubadala bakoIsrayeli , likhonze likhatshana.

‏ Exodus 24

Ukumiswa kwesivumelwano

1 Yasisithi kuMozisi: Yenyukela eNkosini, wena loAroni, uNadabi loAbihu ^a, labangamatshumi ayisikhombisa kubadala bakoIsrayeli ^b, likhonze likhatshana. 2 Njalo uMozisi yedwa uzasondela eNkosini ^c, kodwa bona kabayikusondela; labantu kabayikwenyuka laye. 3 UMozisi wasesiza wabatshela abantu wonke amazwi eNkosi lokwahlulela konke; bonke abantu baphendula ngalizwi linye bathi: Wonke amazwi eNkosi ewakhulumileyo sizawenza ^d. 4 UMozisi wasebhala wonke amazwi eNkosi ^e. Wavuka ekuseni kakhulu, wakha ilathi phansi kwentaba, lensika ezilitshumi lambili, ngokwezizwe ezilitshumi lambili zakoIsrayeli ^f. 5 Wathuma amajaha abantwana bakoIsrayeli, anikela iminikelo yokutshiswa, ahlabela iNkosi iminikelo yokuthula yamajongosi ^g. 6 UMozisi wasethatha ingxenye yegazi ^h, wayifaka emiganwini; lengxenye yegazi wayifafaza phezu kwelathi ⁱ. 7 Wasethatha incwadi yesivumelwano, wayibala ezindlebeni zabantu. Basebesithi: Konke iNkosi ekutshiloyo sizakwenza silalele ^j. 8 UMozisi wasethatha igazi, walifafaza phezu kwabantu ^k, wathi: Khangelani igazi lesivumelwano iNkosi esenze lani mayelana lawo wonke la amazwi.

9 Basebesenyuka oMozisi loAroni, uNadabi loAbihu, labangamatshumi ayisikhombisa kubadala bakoIsrayeli ^l, 10 basebebona uNkulunkulu wakoIsrayeli ^m, langaphansi kwenyawo zakhe kwakukhona okunjengomsebenzi wamasafire* agandelweyo ⁿ, lanjengamazulu uqobo ngokucwengeka ^o. 11 Kodwa kaselulanga isandla sakhe ^p kuzo iziphathamandla zabantwana bakoIsrayeli ^q. Sebembonile-ke uNkulunkulu badla banatha ^r.

UMozisi usentabeni yeSinayi

12 INkosi yasisithi kuMozisi: Yenyukela kimi entabeni ^s, ube khona; njalo ngizakunika izibhebhe zamatshe lomlayo lemithetho ^t, engikubhalileyo ukubafundisa. 13 Wasukuma-ke uMozisi, lenceku yakhe uJoshuwa ^u; uMozisi wasesenyukela entabeni kaNkulunkulu ^v. 14 Wasesithi ebadaleni: Silindeleni lapha size sibuye kini; khangelani-ke uAroni loHuri balani ^w; olezindaba kasondele kubo ^x. 15 UMozisi wasesenyukela entabeni, leyezi lasibekela intaba ^y. 16 Njalo inkazimulo yeNkosi yahlala entabeni yeSinayi ^z; leyezi layisibekela insuku eziyisithupha; yasimbiza uMozisi ngosuku lwesikhombisa iphakathi kweyezi. 17 Njalo ukubonakala kwenkazimulo yeNkosi kwakunjengomlilo oqothulayo ^aa, engqongeni yentaba, emehlweni abantwana bakoIsrayeli. 18 UMozisi wasengena phakathi kweyezi, wenyukela entabeni; njalo uMozisi waba sentabeni insuku ezingamatshumi amane lobusuku obungamatshumi amane ^ab.