Eze 14 | Ndebele | STEP | Kwasekufika kimi abanye babadala bakoIsrayeli, bahlala phambi kwami .

2 Ilizwi leNkosi laselifika kimi lisithi: 3 Ndodana yomuntu, lamadoda amise izithombe zawo enhliziyweni yawo, abeka isikhubekiso sesiphambeko sawo phambi kobuso bawo ^b: Ngingabuzwa yiwo ngeqiniso yini ^c? 4 Ngakho khuluma lawo, uthi kuwo: Itsho njalo iNkosi uJehova: Wonke umuntu wendlu kaIsrayeli omisa izithombe zakhe enhliziyweni yakhe, abeke isikhubekiso sesiphambeko sakhe phambi kobuso bakhe, abesesiza kumprofethi, mina iNkosi ngizamphendula njengobunengi bezithombe zakhe ^d; 5 ukuze ngibambe indlu kaIsrayeli ngenhliziyo yabo ^e, ngoba bonke bazenze abemzini kimi ngezithombe zabo ^f.

6 Ngakho tshono kuyo indlu kaIsrayeli: Itsho njalo iNkosi uJehova: Phendukani, lifulathele izithombe zenu, lifulathelise ubuso benu kuzo zonke izinengiso zenu ^g. 7 Ngoba ngulowo lalowo wendlu kaIsrayeli, kumbe owezizweni ohlala koIsrayeli njengowezizwe ozehlukanisa ekungilandeleni, amise izithombe zakhe enhliziyweni yakhe ^h, abeke isikhubekiso sobubi bakhe phambi kobuso bakhe, eze kumprofethi ukubuza kuye ngami; mina Nkosi ngizamphendula ngokwami ⁱ. 8 Ngizamisa ubuso bami ngimelane lalowomuntu ^j, ngimenze abe yisibonakaliso ^k lezaga ^l, ngimqume asuke phakathi kwabantu bami ^m; lizakwazi-ke ukuthi ngiyiNkosi ⁿ. 9 Futhi uba umprofethi ekhohliseka, nxa ekhulume ilizwi, mina Nkosi ngimkhohlisile lowomprofethi ^o; njalo ngizakwelulela isandla sami phezu kwakhe, ngimbhubhise asuke phakathi kwabantu bami uIsrayeli. 10 Njalo bazathwala icala labo ^p. Njengecala lobuzayo lizakuba njalo icala lomprofethi ^q; 11 ukuze indlu kaIsrayeli ingabe isaphambuka ekungilandeleni ^r, futhi ingabuyi izingcolise ngeziphambeko zabo zonke ^s, kodwa ukuthi babe ngabantu bami ^t, lami ngibe nguNkulunkulu wabo, itsho iNkosi uJehova ^u.

AbeJerusalema bakufanele ukutshaywa nguNkulunkulu

12 Ilizwi leNkosi lafika kimi futhi lisithi: 13 Ndodana yomuntu, lapho ilizwe lisona kimi ngokuphambeka okukhulu, ngizakwelulela isandla sami phezu kwalo ^v, ngephule udondolo lwesinkwa salo ^w, ngithume indlala kulo, ngiqume kulo umuntu lenyamazana ^x; 14 lanxa lamadoda amathathu ^y, oNowa ^z, uDaniyeli ^aa, loJobe ^ab, ayephakathi kwalo, wona ayezakhulula umphefumulo wawo wodwa ^ac ngokulunga kwawo, itsho iNkosi uJehova ^ad.

15 Uba ngidabulisa izilo ezimbi elizweni, zenze lifelwe ngabantwana, lize libe lunxiwa, kuze kungabi khona odlulayo ngenxa yezilo ^ae, 16 loba lamadoda amathathu abephakathi kwalo ^af, kuphila kwami, itsho iNkosi uJehova ^ag, abengayikukhulula amadodana kumbe amadodakazi; wona wodwa abezakhululwa, kodwa ilizwe libe lunxiwa ^ah.

17 Kumbe uba ^ai ngisehlisela inkemba phezu kwalelolizwe ^aj ngithi: Nkemba, dabula phakathi kwelizwe ^ak, ukuze ngiqume ngisuse kulo umuntu lenyamazana ^al; 18 loba lamadoda amathathu abephakathi kwalo ^am, kuphila kwami, itsho iNkosi uJehova, abengayikukhulula amadodana kumbe amadodakazi, kodwa wona wodwa abezakhululwa ^an.

19 Kumbe uba ngithumela umatshayabhuqe wesifo kulelolizwe ^ao, ngithululele ukuthukuthela kwami phezu kwalo ngegazi ^ap, ukuze ngiqume ngisuse kulo umuntu lenyamazana ^aq; 20 loba oNowa, uDaniyeli, loJobe bebephakathi kwalo ^ar, kuphila kwami, itsho iNkosi uJehova ^as, bebengayikukhulula indodana loba indodakazi; bona bebezakhulula umphefumulo wabo wodwa ngokulunga kwabo ^at. 21 Ngoba itsho njalo iNkosi uJehova: Kakhulu kangakanani lapho ngithuma izahlulelo zami ezine ezimbi phezu kweJerusalema ^au, inkemba ^{av
,} ^{aw
,} ^{ax
,} ^ay, lendlala ^{az
,} ^{ba
,} ^bb, lesilo esibi ^{bc
,} ^{bd
,} ^be, lomatshayabhuqe wesifo ^{bf
,} ^{bg
,} ^{bh
,} ^bi, ukuze ngiqume ngisuse kiyo umuntu lenyamazana ^bj.

22 Kodwa khangela, kuzasala kiyo abaphephileyo abazakhutshwa, amadodana lamadodakazi ^bk; khangela, bazaphuma besiza kini, libone indlela yabo lezenzo zabo ^bl; njalo lizaduduzwa mayelana lokubi engikulethe phezu kweJerusalema, mayelana lakho konke engikulethe phezu kwayo ^bm. 23 Ngokunjalo bazaliduduza ^bn nxa libona indlela yabo lezenzo zabo ^bo; njalo lizakwazi ukuthi kangikwenzanga ngaphandle kwesizatho, konke engikwenzileyo phakathi kwayo, itsho iNkosi uJehova ^bp.