Eze 29 | Ndebele | STEP | Ngomnyaka wetshumi, ng enyanga yetshumi, ngolwetshumi lambili lwenyanga, ilizwi leN kosi lafika kimi, lisithi:

1 Ngomnyaka wetshumi, ngenyanga yetshumi, ngolwetshumi lambili lwenyanga, ilizwi leNkosi lafika kimi, lisithi: 2 Ndodana yomuntu, misa ubuso bakho ^a bumelene loFaro inkosi yeGibhithe ^b, uprofethe umelene laye ^c, njalo umelene layo yonke iGibhithe ^d. 3 Khuluma uthi: Itsho njalo iNkosi uJehova: Khangela, ngimelane lawe, Faro, nkosi yeGibhithe ^e, umgobho omkhulu olele phakathi kwemifula yawo ^{f
,} ^g, othi: Umfula wami ngowami, ngazenzela wona ^h. 4 Kodwa ngizafaka izingwegwe emihlathini yakho ⁱ, ngenze inhlanzi zemifula yakho zinamathele emaxolweni akho ^j, ngikukhuphule phakathi kwemifula yakho, lazo zonke inhlanzi zemifula yakho zizanamathela emaxolweni akho ^k. 5 Njalo ngizakutshiya enkangala, wena lazo zonke inhlanzi zemifula yakho ^l; uzawela ebusweni beganga; kawuyikuhlanganiswa, kawuyikubuthwa ^m; ngizakunikela ube yikudla kuzo izilo zeganga lenyoni zamazulu ⁿ. 6 Labo bonke abahlali beGibhithe bazakwazi ukuthi ngiyiNkosi ^o, ngoba bebeludondolo lomhlanga kuyo indlu kaIsrayeli ^p. 7 Lapho bekubamba ngesandla, wephula wadabula lonke ihlombe labo; lalapho beseyama kuwe ^q, wephuka, wenza zonke inkalo zabo zama ^r.

8 Ngakho itsho njalo iNkosi uJehova: Khangela, ngizaletha inkemba phezu kwakho ^s, ngiqume kusuke kuwe umuntu lenyamazana ^t. 9 Lelizwe leGibhithe lizakuba yincithakalo lenkangala. Khona bezakwazi ukuthi ngiyiNkosi ^u. Ngoba uthe: Umfula ngowami, mina-ke ngiwenzile ^v. 10 Ngakho, khangela, ngimelene lawe ^w, ngimelene lemifula yakho ^x; ngenze ilizwe leGibhithe libe yizincithakalo isibili lenkangala ^y, kusukela emphotshongweni kusiya eSevene ^z kuze kube semngceleni weEthiyophiya ^aa. 11 Kakulanyawo lomuntu oluzadlula kilo, kakulanyawo lwenyamazana oluzadlula kilo; futhi kaliyikuhlalwa okweminyaka engamatshumi amane ^ab. 12 Ngoba ngizakwenza ilizwe leGibhithe libe yincithakalo phakathi kwamazwe wonke achithekileyo ^ac; lemizi yalo phakathi kwemizi engamanxiwa izakuba yincithakalo okweminyaka engamatshumi amane ^ad; njalo ngizahlakaza amaGibhithe phakathi kwezizwe, ngiwasabalalise emazweni ^ae.

13 Ngoba itsho njalo iNkosi uJehova: Ekupheleni kweminyaka engamatshumi amane ngizabutha amaGibhithe ebantwini abahlakazekele khona ^af. 14 Njalo ngizabuyisela abathunjwa beGibhithe ^ag, ngibenze babuyele elizweni lePatrosi, elizweni lokuzalwa kwabo; lapho-ke bazakuba ngumbuso ophansi ^ah. 15 Lizakuba phansi kulayo imibuso, futhi kalisayikuziphakamisa phezu kwezizwe; ngoba ngizabanciphisa ukuze bangabuyi babuse phezu kwezizwe ^ai. 16 Njalo kalisayikuba lithemba kuyo indlu kaIsrayeli ^aj, eletha ukukhunjulwa kwesiphambeko, lapho bephenduka ukulandela bona ^ak. Kodwa bazakwazi ukuthi ngiyiNkosi uJehova ^al.

17 Kwasekusithi ngomnyaka wamatshumi amabili lesikhombisa, ngenyanga yokuqala, ngolokuqala lwenyanga, ilizwi leNkosi lafika kimi, lisithi: 18 Ndodana yomuntu, uNebhukadirezari inkosi yeBhabhiloni ^am wenza ibutho lakhe lakhonza inkonzo enkulu ^an limelene leTire ^ao; lonke ikhanda laphucwa, lalo lonke ihlombe lasutshulwa ^ap; kanti yena kalamvuzo, lebutho lakhe, ngenxa yeTire, ngenxa yenkonzo ayikhonza emelene layo. 19 Ngakho itsho njalo iNkosi uJehova: Khangela, ngizanikela ilizwe leGibhithe kuNebhukadirezari inkosi yeBhabhiloni ^aq; njalo uzathatha ixuku layo, athumbe ukuthunjwa kwayo, aphange impango yayo; njalo kuzakuba liholo lebutho lakhe ^ar. 20 Ngimnike ilizwe leGibhithe kube ngumvuzo akhonza ngawo kulo, ngoba bangisebenzela, itsho iNkosi uJehova ^as.

21 Ngalolosuku ngizakwenza uphondo lwendlu kaIsrayeli lukhahlele ^at, ngikunike ukukhamisa komlomo phakathi kwabo ^au. Njalo bazakwazi ukuthi ngiyiNkosi ^av.