Eze 9 | Ndebele | STEP | Wasememeza ezindlebeni zami nge lizwi elikhulu esithi: Yenza ababonisi bomuzi basondele , ngitsho wonke umuntu ele sikhali sakhe sokuchitha esandleni sakhe.

1 Wasememeza ezindlebeni zami ngelizwi elikhulu esithi: Yenza ababonisi bomuzi basondele ^a, ngitsho wonke umuntu elesikhali sakhe sokuchitha esandleni sakhe. 2 Khangela-ke, amadoda ayisithupha eza evela ngendlela yesango eliphezulu elikhangele ngasenyakatho ^b; njalo wonke umuntu elesikhali sakhe sokuphahlaza esandleni sakhe; njalo umuntu oyedwa phakathi kwawo ^c wayegqoke ilembu elicolekileyo ^d, elophondo lweyinki ^e lombhali ngasokhalweni lwakhe; asengena, ema duze kwelathi lethusi ^f. 3 Lenkazimulo kaNkulunkulu kaIsrayeli yenyuka isuka ngaphezu kwekherubhi* eyayiphezu kwalo, yaya embundwini wendlu ^g; wasememeza umuntu ^h owayegqoke ilembu elicolekileyo ⁱ owayelophondo lweyinki lombhali okhalweni lwakhe. 4 INkosi yasisithi kuye: Dabula phakathi komuzi, phakathi kweJerusalema, ufake uphawu emabunzini abantu ^j ababubulayo labakhalayo ^k ngenxa yazo zonke izinengiso ezenziwa phakathi kwawo.

5 Lakwabanye yathi endlebeni yami ^l: Dabulani phakathi komuzi emva kwakhe, litshaye, ilihlo lenu lingahawukeli ^m, njalo lingayekeli. 6 Bulalani ⁿ ngokuchitha abadala, abatsha, lezintombi, labantwana abancinyane, labesifazana; kodwa lingasondeli lakuwuphi umuntu ^o okulophawu ^p phezu kwakhe, liqalise endaweni yami engcwele ^q. Basebeqalisa emadodeni amadala ^r ayephambi kwendlu. 7 Yasisithi kubo: Ngcolisani indlu ^s, ligcwalise amaguma ngababuleweyo. Phumani. Basebephuma, babulala emzini.

8 Kwasekusithi besababulala, mina-ke ngasala, ngathi ^t mbo ngobuso bami ^u, ngakhala ngathi: Hawu, Nkosi Jehova! ^v Uzachitha yini yonke insali yakoIsrayeli ^w ekuthululeni kwakho intukuthelo yakho phezu kweJerusalema? ^x 9 Khona yathi kimi: Ububi bendlu yakoIsrayeli loJuda bukhulu kakhulukazi, lelizwe ^y ligcwele amacala egazi, lomuzi ugcwele ukuphambuka, ngoba bathi: INkosi ilidelile ilizwe ^z, njalo iNkosi kayiboni ^aa. 10 Lami-ke ilihlo lami kaliyikuhawukela ^{ab
,} ^ac, njalo kangiyikuyekela; ngizakwehlisela indlela yabo ekhanda labo. 11 Khangela-ke, lowomuntu owayegqoke ilembu elicolekileyo ^{ad
,} ^ae, owayelophondo lweyinki okhalweni lwakhe, wabuyisela ilizwi esithi: Ngenzile njengoba ungilayile.