Gen 29:32-30:21 | Ndebele | STEP | ULeya wasethatha isisu, wazala indodana, wayitha ibizo layo uRubeni , ngoba wathi: Ngoba iN kosi ibonile inhlupheko yami ; ngakho khathesi indoda yami izangithanda.

n16:3, 35:22

s30:4, 29:24

‏ Genesis 29:32-35

32 ULeya wasethatha isisu, wazala indodana, wayitha ibizo layo uRubeni ^{▼▼ uRubeni: okuyikuthi, bona indodana.}, ngoba wathi: Ngoba iNkosi ibonile inhlupheko yami ^b; ngakho khathesi indoda yami izangithanda. 33 Wasebuya wathatha isisu, wazala indodana, wathi: Njengoba iNkosi izwile ukuthi ngiyazondwa, inginike lale; wayitha ibizo layo uSimeyoni ^{▼▼ uSimeyoni: okuyikuthi, ukuzwa.}. 34 Wasebuya wathatha isisu, wazala indodana; wathi: Khathesi ngalesisikhathi indoda yami izazihlanganisa lami ^d, ngoba ngiyizalele amadodana amathathu; ngalokhu wabiza ibizo layo uLevi ^{▼▼ uLevi: okuyikuthi, kuhlanganisiwe.}. 35 Wasebuya wathatha isisu, wazala indodana; wathi: Ngalesisikhathi ngizadumisa iNkosi; ngakho wayitha ibizo layo uJuda ^{f
,} ^{▼▼ uJuda: okuyikuthi, udumo.}; wasesima ukuzala.

‏ Genesis 30:1-21

1 Kwathi uRasheli esebonile ukuthi wayengamzaleli uJakobe ^h, uRasheli waba lomona ⁱ ngodadewabo, wathi kuJakobe: Nginika abantwana, kodwa nxa kungenjalo ngife. 2 Ngakho lwavutha ulaka lukaJakobe kuRasheli, wathi: Ngisesikhundleni sikaNkulunkulu okwenqabele isithelo sesizalo yini ^j? 3 Wasesithi: Khangela, incekukazi yami uBiliha ^k, ngena kuye ^l, ukuze azalele emadolweni ami ^m, ukuze lami ngakhiwe kuye. 4 Wasemnika uBiliha incekukazi yakhe abe ngumkakhe; uJakobe wasengena kuye ⁿ. 5 UBiliha wasethatha isisu, wamzalela uJakobe indodana. 6 URasheli wasesithi: UNkulunkulu ungahlulele, njalo uzwile ilizwi lami, wanginika indodana. Ngakho wayitha ibizo layo uDani ^{▼▼ uDani: okuyikuthi, ukwehlulela.}. 7 UBiliha incekukazi kaRasheli wasebuya ethatha isisu, wamzalela uJakobe indodana yesibili. 8 URasheli wasesithi: Ngibindene lokubindana okulamandla ^{▼▼ okulamandla: Heb kukaNkulunkulu.} lodadewethu, njalo ngehlula; ngakho wayitha ibizo layo uNafithali ^{▼▼ uNafithali: okuyikuthi, ukubindana kwami.}.

9 Kwathi uLeya esebonile ukuthi usemi ukuzala ^r, wathatha uZilipa incekukazi yakhe, wamnika uJakobe abe ngumkakhe ^s. 10 UZilipa incekukazi kaLeya wasemzalela uJakobe indodana. 11 ULeya wasesithi: Kuyeza inhlanhla. Wayitha ibizo layo uGadi ^{▼▼ uGadi: okuyikuthi, ibutho.}. 12 UZilipa incekukazi kaLeya wasemzalela uJakobe indodana yesibili. 13 ULeya wasesithi: Kungokwentokozo yami, ngoba amadodakazi azakuthi ngilentokozo ^u. Wayitha ibizo layo uAsheri ^{▼▼ uAsheri: okuyikuthi, othokozayo.}.

14 URubeni wasehamba ngensuku zokuvuna ingqoloyi, wafica amamandrake* ensimini ^w, wawaletha kuLeya unina. URasheli wasesithi kuLeya: Ake ungiphe emamandrakeni endodana yakho. 15 Wasesithi kuye. Kuyinto encinyane yini ^x ukuthi uthethe indoda yami? Usuzathatha lamamandrake endodana yami yini? URasheli wasesithi: Ngakho uzalala lawe ngalobubusuku ngenxa yamamandrake* endodana yakho. 16 Kwathi uJakobe esebuya evela emasimini kusihlwa, uLeya waphuma ukumhlangabeza, wathi: Kimi uzangena, ngoba ukukuqhatsha ngikuqhatshile ngamamandrake* endodana yami. Waselala laye ngalobobusuku. 17 UNkulunkulu wasemuzwa uLeya; wasethatha isisu, wamzalela uJakobe indodana yesihlanu. 18 ULeya wasesithi: UNkulunkulu unginikile umvuzo wami, ngoba ngayinika indoda yami incekukazi yami; waseyitha ibizo layo uIsakari ^{▼▼ uIsakari: okuyikuthi, umvuzo.}. 19 ULeya wasephinda ethatha isisu, wamzalela uJakobe indodana yesithupha. 20 ULeya wasesithi: UNkulunkulu unginikile mina isipho esihle; khathesi indoda yami izahlala lami, ngoba ngiyizalele amadodana ayisithupha, waseyitha ibizo layo uZebuluni ^{▼▼ uZebuluni: okuyikuthi, ukuhlala.}. 21 Emva kwalokhu wasezala indodakazi, wayitha ibizo layo uDina ^{▼▼ uDina: okuyikuthi, isahlulelo.}.