Gen 8:10-10:6 | Ndebele | STEP | Waselinda futhi ezinye izinsuku eziyisikhombisa; wasephinda elithuma ijuba lisuka emkhunjini.

Genesis 8:10-22

10 Waselinda futhi ezinye izinsuku eziyisikhombisa; wasephinda elithuma ijuba lisuka emkhunjini. 11 Ijuba laselibuya kuye ngesikhathi santambama, khangela-ke, ihlamvu lomhlwathi elisanda ukuquntwa lalisemlonyeni walo; ngakho uNowa wasesazi ukuthi amanzi asemalutshwana phezu komhlaba. 12 Waselinda futhi ezinye insuku eziyisikhombisa; waselithuma ijuba; kalabe lisabuyela kuye futhi.

13 Kwasekusithi ngomnyaka wamakhulu ayisithupha lanye, ngenyanga yokuqala, ngolokuqala lwenyanga, amanzi atsha emhlabeni. UNowa wasesusa isifulelo somkhumbi, wabona, khangela-ke, ubuso bomhlaba babomile. 14 Njalo ngenyanga yesibili, ngosuku lwamatshumi amabili lesikhombisa lwenyanga, umhlaba wawusuwomile.

15 UNkulunkulu wasekhuluma kuNowa, esithi: 16 Phuma emkhunjini, wena lomkakho lamadodana akho labafazi bamadodana akho kanye lawe. 17 Konke okuphilayo okulawe, kuyo yonke inyama, eyenyoni leyesifuyo leyakho konke okuhuquzelayo kuhuquzela emhlabeni, phuma lakho; ukuze kuzale kwande emhlabeni, kuzale, kwande phezu komhlaba ^a. 18 UNowa wasephuma, lamadodana akhe, lomkakhe, labafazi bamadodana akhe kanye laye. 19 Yonke inyamazana, konke okuhuquzelayo, layo yonke inyoni, konke okuhamba emhlabeni, ngenhlobo ^{▼▼ ngenhlobo: Heb ngezizukulwana.} zakho, kwaphuma emkhunjini.

20 UNowa waseyakhela iNkosi ilathi; wathatha kuso sonke isifuyo esihlambulukileyo, lakuyo yonke inyoni ehlambulukileyo, wanikela umnikelo wokutshiswa phezu kwelathi. 21 INkosi yasisizwa uqhatshi olumnandi ^{c
,} ^{▼▼ olumnandi: Heb uqhatshi lokuthula.}; iNkosi yasisithi enhliziyweni yayo: Kangisayikuphinda ngiqalekise umhlaba ^e ngenxa yomuntu, ngoba ukuceba kwenhliziyo yomuntu kubi kusukela ebutsheni bakhe ^f; futhi kangisayikuphinda ngitshaye konke okuphilayo njengalokhu ngenzile ^g. 22 Ngazo zonke izinsuku zomhlaba, ukuhlanyela lokuvuna, lamakhaza lokukhudumala, lehlobo lobusika ^h, lemini lobusuku ⁱ, kakuyikuphela.

Genesis 9

Isivumelwano sikaNkulunkulu loNowa

1 UNkulunkulu wasebusisa uNowa lamadodana akhe, wathi kibo: Zalani lande ligcwalise umhlaba ^j. 2 Lokwesatshwa kwenu lokuqhuqhwa kwenu kuzakuba phezu kwayo yonke inyamazana yomhlaba laphezu kwayo yonke inyoni yamazulu; kukho konke okuhamba emhlabeni lakuzo zonke inhlanzi zolwandle; zinikelwe ezandleni zenu. 3 Konke okuhambayo okuphilayo kuzakuba yikudla kini ^k; njengombhida oluhlaza ^l ngilinikile konke. 4 Kodwa inyama lempilo yayo, igazi layo, kalisoze likudle ^m. 5 Njalo sibili, igazi lenu, elempilo yenu, ngizalibiza; esandleni sayo yonke inyamazana ⁿ ngizalibiza; lesandleni somuntu, lesandleni somfowabo womunye lomunye ^o ngizabiza umphefumulo womuntu. 6 Ochitha igazi lomuntu, ngomuntu lizachithwa igazi lakhe ^p; ngoba ngomfanekiso kaNkulunkulu wamenza umuntu ^q. 7 Ngakho lina, zalani, lande, lizale ngokwengezelelweyo emhlabeni, lande kuwo.

8 UNkulunkulu wasekhuluma kuNowa lakumadodana akhe kanye laye, esithi: 9 Mina-ke, khangelani, ngiyamisa isivumelwano sami lani lenzalo yenu ^r emva kwenu, 10 laso sonke isidalwa esiphilayo esilani, esenyoni lesesifuyo, lesayo yonke inyamazana yomhlaba lani; kusukela kubo bonke abaphume emkhunjini, kusiya kuyo yonke inyamazana yomhlaba. 11 Njalo ngizamisa isivumelwano sami lani ^s; njalo kakusayikubhujiswa yonke inyama ngamanzi kazamcolo; ukuze kungasabi khona uzamcolo ukubhubhisa umhlaba. 12 UNkulunkulu wasesithi: Lokhu kuyisibonakaliso sesivumelwano ^t engisinika phakathi kwami lani laso sonke isidalwa esiphilayo esilani, kuze kube yizizukulwana laphakade. 13 Ngizamisa umchilowamakhosikazi ^{▼▼ umchilowamakhosikazi: Heb idandili.} wami emayezini ^v; uzakuba yisibonakaliso sesivumelwano phakathi kwami lomhlaba. 14 Kuzakuthi nxa ngibuyisa amayezi phezu komhlaba, umchilowamakhosikazi uzabonwa eyezini; 15 khona ngizakhumbula isivumelwano sami ^w, esiphakathi kwami lani laso sonke isidalwa esiphilayo sayo yonke inyama; lamanzi kawasayikuba nguzamcolo ukubhubhisa yonke inyama. 16 Lomchilowamakhosikazi uzakuba semayezini, njalo ngizawubona ukukhumbula isivumelwano esilaphakade ^x phakathi kukaNkulunkulu laso sonke isidalwa esiphilayo, sayo yonke inyama esemhlabeni. 17 UNkulunkulu wasesithi kuNowa: Lokhu kuyisibonakaliso sesivumelwano engisimise phakathi kwami layo yonke inyama esemhlabeni.

Amazwi kaNowa kumadodana akhe

18 Amadodana kaNowa aphumayo-ke emkhunjini ayengoShemu loHamu loJafethi; njalo uHamu nguyise kaKhanani ^{y
,} ^{▼▼ uKhanani: Heb uKhenani.}. 19 Laba bobathathu ngamadodana kaNowa; lomhlaba wonke wasatshalaliswa ngokuvela kubo.

20 UNowa waseqala ukuba ngumlimi, wahlanyela isivini. 21 Wasenatha okwewayini, wadakwa; njalo waba nqunu phakathi kwethente lakhe. 22 UHamu, uyise kaKhanani, wasebona ubunqunu bukayise, wasetshela abafowabo ababili phandle. 23 OShemu loJafethi basebethatha isembatho, basibeka emahlombe abo bobabili, bahamba nyovane, bagubuzela ubunqunu bukayise; lobuso babo babusemuva ukuze bangaboni ubunqunu bukayise. 24 UNowa wasevuka ewayinini lakhe, wakwazi lokho indodana yakhe encinyane ekwenze kuye. 25 Wasesithi: Kaqalekiswe uKhanani ^aa, uzakuba yisigqili sezigqili kubafowabo ^ab. 26 Wasesithi: Ibusisiwe iNkosi uNkulunkulu kaShemu ^ac, loKhanani abe yisigqili sakhe ^{▼▼ isigqili sakhe: kumbe, isigqili kuye.}. 27 UNkulunkulu amqhelise uJafethi, njalo ahlale emathenteni kaShemu, loKhanani abe yisigqili sakhe.

28 Emva kukazamcolo uNowa wasephila iminyaka engamakhulu amathathu lamatshumi amahlanu. 29 Zonke-ke insuku zikaNowa zaba yiminyaka engamakhulu ayisificamunwemunye lamatshumi amahlanu; wasesifa.

Genesis 10:1-6

Inzalo yamadodana kaNowa

1 Njalo lezi yizizukulwana zamadodana kaNowa: UShemu, uHamu loJafethi. Kwasekuzalwa amadodana kubo emva kukazamcolo. 2 Amadodana kaJafethi ^ae: UGomeri ^af loMagogi ^ag loMadayi loJavani ^ah loThubhali loMesheki ^ai loTirasi. 3 Lamadodana kaGomeri: UAshikenazi ^aj loRifathi loTogarma ^ak. 4 Lamadodana kaJavani: UElisha loTarshishi ^al, amaKiti ^am lamaDodani. 5 Kwehlukaniswa kusukela kubo izihlenge ^an zezizwe emazweni abo, ngulowo lalowo ngokolimi lwakhe, langokosendo lwabo, ezizweni zabo.

6 Lamadodana kaHamu ^ao: UKushi ^ap loMizirayimi loPuti ^aq loKhanani.