Hos 13 | Ndebele | STEP | Lapho uEfrayimi ekhuluma kwakulokuqhuqha, waziphakamisa koIsrayeli ; kodwa waba lecala ngoBhali , wafa.

Hosea 13

Ukuchitheka kukaIsrayeli

1 Lapho uEfrayimi ekhuluma kwakulokuqhuqha, waziphakamisa koIsrayeli ^a; kodwa waba lecala ^b ngoBhali ^c, wafa. 2 Khathesi-ke baqhubeka besona, bazenzela izithombe ezibunjwe ngokuncibilikisa zesiliva sabo, izithombe njengokuqedisisa kwabo ^d, zonke zingumsebenzi wezingcitshi ^e; abathi ngazo: Abantu abanikela imihlatshelo bazakwanga amathole ^f. 3 Ngakho bazakuba njengeyezi lekuseni ^g, lanjengamazolo ovivi ahambayo ^h; njengomule ophetshulwa yisivunguzane ebaleni lokubhulela ⁱ, njengentuthu ephuma ^j etshiminini ^k. 4 Kube kanti mina ngiyiNkosi, uNkulunkulu wakho, kusukela elizweni leGibhithe; ngakho kawuyikwazi unkulunkulu ngaphandle kwami ^{l
,} ^m, ngoba kakho umsindisi ^{n
,} ^o ngaphandle kwami ^p.

5 Mina ngakwazi enkangala ^q, elizweni elomileyo kakhulu ^r. 6 Njengokwedlelo labo, ngokunjalo basutha ^{s
,} ^t; basutha, lenhliziyo yabo yaphakama ^u; ngenxa yalokho bangikhohlwa ^{v
,} ^w. 7 Ngakho ngizakuba kubo njengesilwane ^x, njengengwe endleleni ^y ngizabacathamela ^z. 8 Ngizabahlangabeza njengebhere elithathelwe imidlwane ^aa, ngidabule isisibekelo senhliziyo yabo, ngibadlele lapho njengesilwane; isilo seganga sizabadabudabula.

9 Kukuchithile, Israyeli ^ab, kodwa kimi kulosizo lwakho ^ac. 10 Pho, ingaphi inkosi yakho, ukuthi ikusindise emizini yakho yonke ^ad? Labehluleli bakho owathi ngabo: Nginike inkosi leziphathamandla ^ae? 11 Ngakunika inkosi ekuthukutheleni kwami ^af, ngayisusa ngolaka lwami ^ag. 12 Ububi bukaEfrayimi bubotshiwe, isono sakhe sibekiwe ^ah. 13 Insizi zowesifazana ohelelwayo zizamfikela; uyindodana engahlakaniphanga ^ai, ngoba ingehlale isikhathi ^aj emlonyeni wesizalo sabantwana ^ak. 14 Ngizabenzela inhlawulo yokuthula ^{al
,} ^am emandleni engcwaba ^an, ngibahlenge ekufeni ^ao. Kufa, bangaphi omatshayabhuqe bezifo zakho ^ap? Ngcwaba, ingaphi incithakalo yakho ^aq? Uphenduko luzasitheliswa emehlweni ami ^ar.

15 Loba yena engaveza izithelo phakathi kwabafowabo ^as, kuzafika umoya wempumalanga ^at, umoya weNkosi, usenyuka ^au enkangala ^av, lomthombo wakhe ^aw uzakutsha ^ax, kome lesiphethu sakhe ^ay; wona uzaphanga okuligugu kwazo zonke izitsha eziloyisekayo. 16 ISamariya ^az izakuba lunxiwa ^ba, ngoba ihlamukele uNkulunkulu wayo ^bb; bazakuwa ngenkemba, labantwana babo bachotshozwe ^{bc
,} ^bd, labesifazana babo abakhulelweyo baqhaqhwe ^{be
,} ^bf.